Nyabusulu ya Yowane 19:10 - Musamu Wamubwete 2013

¹⁰ Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 19:10 ပူးပေါင်းရင်းမြစ်များ

Musamu wamubwete watina Matayi 4:10

Hanaho Yesu waleele kuri nde ti: «Yisika, Satana! Bukuri diri dyatinu ti: "Mfumu Nzaambi yaaku ye yelemini kutsukumina, na nde kitsu yelemini kusaambila."»

Musamu wamubwete watina Malako 5:22

Mosi mu bakuutu ba nzo-nkutukunu, nkuumbu yaandi Yayiro, bu kamono Yesu, wabwa ha miilu mya nde.

Musamu wamubwete watina Malako 7:25

Hanaho, mukyeetu mosi, waba na mwaana wa mukyeetu waba na mpeeve yayibi, bu kayuka dyo, wayisa na wabwa ha miilu mya Yesu.

Musamu wamubwete watina Luka 1:19

Mbasi yabvutula kuri nde yaleele ti: «Me ngo mbasi Ngabileri, wukootelemaa ha busu bwa Nzaambi. Me bampeekirye mu kudzoonso kuri ye, na mu kuyaabisa ye mukeensu wumawu.

Musamu wamubwete watina Luka 24:44

Tumi wabaleele ti: «Mamama ngo maampu ma nyabee luleelaana, mu ntaangu yi nyabee nyakiri na beenu ti: "Myominso myatinu mu ntoono ya me, mu mangisi ma Moose, na mu babikiri natee mu mikuunga, miyelemini kweende mu mana.»

Musamu wamubwete watina Yowane 5:39

Beenu lukwefyongokono Matina, bukuri beenu lutsima kubaka kidziingu kyahele manunu mu mo; mo ngo mari mu kuta kimbaangi mu ntoono me;

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

Biyiriki bya Bantumu 13:27

Bari ku Yerusalemi na bamfumu ba bo, bamudziimbiri, na bahele kubakula maampu ma babikiri, ma bataangaa mu mpisi kiluumbu kya mpuumunu, ngo bakukisa mo, mu kumudzeengele mukanu wa lufwa.

2 Kol 8:7

Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.

Mukaanda kuri bari Efeso 5:15

Ngo seenee madyeele na bunkete mu ndyatulu yeenu, yaa luba bunu biwulu ko, ngo beenee bunu bangaa-madyeele,

Mukaanda kuri bari Efeso 5:33

Ngo kasi mitariri se mosi-mosi mu beenu, mpisi muutu mu beenu katya mukasi wa nde-meene, bu katiiriri nyutu ya nde-meene; na mukasi kabvumina mulumi.

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

1 Tes 5:15

Taleenu yaa kuba muutu wubvutula bubi mu bubi ko, ngo namitineenu kweyirika mamabwete, ha kakati dya beenu na beenu na kuri bobanso.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

Mukaanda kuri Bahebeleho 12:25

Seenee madyeele, mu kuhele kubisa kuyuka wunde wudzoonso. Bukuri mbuti, babo babisiri kuyukula wunde waba balubulaana ha butoto, basii bvuuka mu nseembulu ko, lo beetuneenu se, tubvuuka mu nseembulu ko, mbuti tubisiri kuywiila wunde wudzoonso ku mayulu.

1 Yow 5:10

Wunde wusiilaa kanyi mu Mwaana Nzaambi, wuri na kimbaangi mu nde-meene. Wunde wuhelaa kusiila kanyi mu Nzaambi, lo wusanaa kuri ti Nzaambi kaba ngaa-mpya, bukuri wahele kutaambula kimbaangi kya Nzaambi, ki kari kata mu Mwaana waandi.

1 Yow 5:21

Mwaa-baala, seenee madyeele beenu-meene mu ntoono biteki.

Nyabusulu ya Yowane 1:1

Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 14:7

yikweleele mu mbeembu yayinene ti: «Bvuminee Nzaambi na muheenee nkeembu, bukuri kilookolo ki katsuundisa nde baatu kiisiri; saambilee wunde wayirika yulu na butoto, mubu na manto ma maampa!»

Nyabusulu ya Yowane 15:4

Mfumu, na wunde wuhele kubvumina ye, wuhele kudumusa nkuumbu yaaku? Bukuri ye kitsu wuri wangisi, makaanda momanso sa miisa ha busu bwaaku na sa makusaambila, bukuri nsundusulu dzaaku dzimwaamonoko.»

Nyabusulu ya Yowane 19:9

Mbasi yaleele kuri me ti: «Tina: Kiminu kiri na babo ba bari bateele mbila, mu kudya byandya bya makweele ma Mwaana kimeeme.» Yabweese kuleele kuri me ti: «Mamo ngo Maampu ma Nzaambi mangwanwa.»

Nyabusulu ya Yowane 4:10

lo makuumi mana ma binuni, bayilimini ha busu bwa wunde, wadzakala ha yulu mboloko, basaambiri wunde wuri mwooyo mu bibvu ngo bibvu, na batubiri nkoongolo dza bo ha mankula ma mboloko, na baleeriri ti: