«Kyaari kuri beenu, batini na Bafarisi, bangaa-bumpitu-bumpyoongo, bukuri beenu lwafwanikina na mampeembe makila mpeembe, mari ku mbasi mamonoko luwu, ngo kasi kukati kwaluula mu miyisi mya bafwa, na nsumukunu ya bitsuumbu-bitsuumbu.
mpisi heki makila momanso ma basuunguma, matsaamukini ha butoto, kuholosono mu Abele ngaa-kusuunguma, natee mu Dzakariya, mwaana Barakya, wulwadzusiri ha kakati dya kihekiri kyangisi na dziku, mabwa ha yulu beenu.
Nkya mubikiri wuri bataayi beenu bahele kukwaamisa? Bo badzusiri batekisiri kudzoonsolo mu nyisulu wasuunguma, mu lumalu mu wunde beenu lwakitukiri bayariki na badzusi.
Nsundusulu dzaandi dziri dzangwanwa na dzasuunguma; bukuri nde watsuundisiri kiyala kya mukyeetu kyakinene, kyabee kweebiiyisa butoto mu buyala bwaandi, na wabvutiri kitete kuri kiyala kikyo, mu ntoono makila ma bisari byaandi.»