Nyabusulu ya Yowane 18:10 - Musamu Wamubwete 2013

¹⁰ bu bateleme kimamanga, mu ntoono boomo bwa mpasi dza nde, bo sa baleele ti: «Kyaari! Kyaari! Kuri bvula dyadinene, Babiloni bvula diri na makwa, bukuri nsundusulu yaaku yitubukiri mu kilookolo kimosi.»

Nyabusulu ya Yowane 18:10 ပူးပေါင်းရင်းမြစ်များ

Nyabusulu ya Yowane 11:8

Bamvuumbi ba bo sa baba ha kibeendu kya bvula dyadinene, di bateela mu kimpeeve Sodoma na Ngipiti, haho habakomini Mfumu bo.

Nyabusulu ya Yowane 14:8

Mbasi yaboolo yanama yatete yaba kweleele ti: «Dibwiiri, dibwiiri, bvula dya Babiloni dyadinene!» Dyo dyanwiisa mansi Momanso malu ma nkesi dza buyala bwaandi.

Nyabusulu ya Yowane 16:19

Bvula dyadinene dyakabuka mu bibari bitatu; mabvula ma mansi mabwa. Nzaambi wabaambuka mwooyo mu Babiloni, bvula dyadinene, mu kudiha mbasa malu ya kabala dya nkesi dzaandi.

Nyabusulu ya Yowane 17:12

«Mampoko kuumi ma wamwii ye, ngo bambyaasi kuumi, bakiri kutaambula pe kimfumu; kasi sa bataambula lutumu bunu bambyaasi mu kilookolo kimosi, kintwaari na kibulu.

Nyabusulu ya Yowane 18:18

baba fulaana misaakulu, ha bamwiini mwiisi mbaawu yaba nyeengise bvula, bo baleele ti: «Na wafwanikina na bvula dyadinene di?»

Nyabusulu ya Yowane 18:19

Baatu batuba fuunda ku yulu mitu mya bo, bafula misaakulu, badila na bakoto bufwiiri, baleele ti: «Kyaari! Kyaari! Kuri bvula dyadinene! Diri bobanso bari na mabwaatu mu mubu, babangukila mu busina bwa dyo, bukuri mu kilookolo kimosi ditsyaamukini.»

Nyabusulu ya Yowane 18:21

Mbasi yiri na makwa yanaanguna tari, diri bunu tari dyadinene di batuutilaa bitotolo, yatuba dyo mu mubu, na yaleele ti: «Bubwo, mu mbala mosi, balooso Babiloni, bvula dyadinene, na ka ba bweese kudimono ko.

Nyabusulu ya Yowane 18:8

Mu ntoono yiyo, biteesu bya mpasi dzaandi, mfwiilu, ngebe dza kufwiila, nzala, sa miisa kuri nde mu kiluumbu kimosi, na nde sa kanyeenge mu mbaawu, bukuri Mfumu Nzaambi wumutsuundisa, wuri ngaa-kwa.»