Nyabusulu ya Yowane 17:12 - Musamu Wamubwete 2013

¹² «Mampoko kuumi ma wamwii ye, ngo bambyaasi kuumi, bakiri kutaambula pe kimfumu; kasi sa bataambula lutumu bunu bambyaasi mu kilookolo kimosi, kintwaari na kibulu.

Nyabusulu ya Yowane 17:12 ပူးပေါင်းရင်းမြစ်များ

Nyabusulu ya Yowane 10:11

Baleele kuri me ti: «Ye yelemini kubikula lukimi mu baatu, mu makaanda, mu mandiinga na mu bambyaasi balaka.»

Nyabusulu ya Yowane 12:3

Kidiimbu kikimi kyamonoko ku yulu: mono, maŋataŋo mamanene, mabeenge bunu mbaawu, mari na mitu nsaamu na mampoko kuumi, na mu yulu mitu myaandi, muri mampu nsaamu ma lutumu.

Nyabusulu ya Yowane 13:1

Me nyamono kibulu kitoomboko mu mubu, kyaba na mampoko kuumi na mitu nsaamu, mu yulu mampoko maandi mo kuumi, mwaba mampu kuumi ma lutumu, na ha yulu mpisi mutu waandi kwaba mankuumbu ma nsaanunu.

Nyabusulu ya Yowane 17:16

Mampoko kuumi ma wuri wamoono na kibulu, sa babele kiyala kya mukyeetu, sa bahosono byobinso bi kari na byo, sa bamusa kimpene, sa badya miswinyi myaandi, na sa bamuyoko ku mbaawu.

Nyabusulu ya Yowane 18:10

bu bateleme kimamanga, mu ntoono boomo bwa mpasi dza nde, bo sa baleele ti: «Kyaari! Kyaari! Kuri bvula dyadinene, Babiloni bvula diri na makwa, bukuri nsundusulu yaaku yitubukiri mu kilookolo kimosi.»

Nyabusulu ya Yowane 18:17

bukuri mu kilookolo kimosi, mburi busina bu bwo budziimbiri!» Banati ba mabwaatu bobanso, bakweyendaa mu mabwaatu, bisari bya mabwaatu byobinso, na bobanso basala mu mubu, baba bateleme kimamanga,

Nyabusulu ya Yowane 18:19

Baatu batuba fuunda ku yulu mitu mya bo, bafula misaakulu, badila na bakoto bufwiiri, baleele ti: «Kyaari! Kyaari! Kuri bvula dyadinene! Diri bobanso bari na mabwaatu mu mubu, babangukila mu busina bwa dyo, bukuri mu kilookolo kimosi ditsyaamukini.»