Nyabusulu ya Yowane 14:7 - Musamu Wamubwete 2013

⁷ yikweleele mu mbeembu yayinene ti: «Bvuminee Nzaambi na muheenee nkeembu, bukuri kilookolo ki katsuundisa nde baatu kiisiri; saambilee wunde wayirika yulu na butoto, mubu na manto ma maampa!»

Nyabusulu ya Yowane 14:7 ပူးပေါင်းရင်းမြစ်များ

Musamu wamubwete watina Matayi 25:13

Ngo beenee naana, bukuri lwahele kuyaaba kiluumbu na kilookolo.»

Musamu wamubwete watina Luka 17:18

Buri kusii baanaa babvutukiri mu kukeembese Nzaambi ko, ha yulu wunu munzeense wumawu?

Biyiriki bya Bantumu 14:15

na baleele ti: "Bampaangi, buri lusa mya bu mi? Beetu se turi na bitsimi byobimosi na beenu, beetu turi baatu bunu beenu; Musamu Wamubwete wutuluyaabisiri, ngo mu kubwoongolo myahele mufunu mi, mu kusyeeteke kuri Nzaambi ya mwooyo, wayirika yulu, butoto, mubu na byobinso biri mu byo;

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

Nyabusulu ya Yowane 11:13

Mu kilookolo kinikyo, butoto bwaningina mu makwa, na kibari kimosi mu bibari kuumi bya bvula kyabwa, na mafuunda nsaamu ma baatu mafwa mu ningununu butoto yiyo. Babo babvuukiri babaka boomo bwalaka, na baha nkeembu kuri Nzaambi ya ku yulu.

Nyabusulu ya Yowane 11:18

Makaanda mabaka nkesi, nkesi dza ye dzamonokono, na ntaangu ya kutsuundisa bafwa yitubukiri, ya kuha museendu kuri bisari byaaku, kuri babikiri, kuri bangisi na kuri babvuminaa nkuumbu yaaku, kuri bakuutu na bilesi; ntaangu ya kutsyaamuna babo bari mu kwetsaamuna butoto!»

Nyabusulu ya Yowane 15:4

Mfumu, na wunde wuhele kubvumina ye, wuhele kudumusa nkuumbu yaaku? Bukuri ye kitsu wuri wangisi, makaanda momanso sa miisa ha busu bwaaku na sa makusaambila, bukuri nsundusulu dzaaku dzimwaamonoko.»

Nyabusulu ya Yowane 16:9

Baatu banyeenge mu nyangala yamakwa. Bo basaana nkuumbu Nzaambi, nde wuri na lutumu mu biteesu bya mpasi bi; kasi bahele kuyiinga madyeele mu kuha nkeembu kuri nde.

Nyabusulu ya Yowane 18:10

bu bateleme kimamanga, mu ntoono boomo bwa mpasi dza nde, bo sa baleele ti: «Kyaari! Kyaari! Kuri bvula dyadinene, Babiloni bvula diri na makwa, bukuri nsundusulu yaaku yitubukiri mu kilookolo kimosi.»

Nyabusulu ya Yowane 18:17

bukuri mu kilookolo kimosi, mburi busina bu bwo budziimbiri!» Banati ba mabwaatu bobanso, bakweyendaa mu mabwaatu, bisari bya mabwaatu byobinso, na bobanso basala mu mubu, baba bateleme kimamanga,

Nyabusulu ya Yowane 18:19

Baatu batuba fuunda ku yulu mitu mya bo, bafula misaakulu, badila na bakoto bufwiiri, baleele ti: «Kyaari! Kyaari! Kuri bvula dyadinene! Diri bobanso bari na mabwaatu mu mubu, babangukila mu busina bwa dyo, bukuri mu kilookolo kimosi ditsyaamukini.»

Nyabusulu ya Yowane 19:5

Mbeembu yapala mu mboloko, yaleele ti: «Siikeenu Nzaambi yeetu, beenu bobanso bisari byaandi, bakoomubvumunaa, bakuutu na bilesi.»

Nyabusulu ya Yowane 4:11

«Ye Mfumu na Nzaambi yeetu, wayelemene mu kutaambula nkeembu, lukiinsu na mpinu, bukuri ye wayirika bitotolo byobinso, na mu kutya kwa ye, byo byaba, na biri byayiriku.»

Nyabusulu ya Yowane 4:9

Na mu mpisi ntaangu, yiri bibulu bibyo biha nkeembu, lukiinsu na matoondo kuri wunde wadzakala ha yulu mboloko, wuri mwooyo mu bibvu ngo bibvu,

Nyabusulu ya Yowane 8:10

Mbasi yabatatu yasika mvumvuri, mbwetete mosi yayinene yikweluluka bunu kyufu kya mbaawu, yanangukina ku yulu, yasonoko na yabwa, ha yulu kibari kimosi mu bibari bitatu bya manyari, na mu bidzinga bya maampa.