Nyabusulu ya Yowane 14:15 - Musamu Wamubwete 2013

¹⁵ Mbasi yikimi yapala mu Nzo-nzaambi, yabikisa mu mbeembu yayinene kuri wadzakala ha yulu tuti ti: «Heeke kisalulu kya ye na tolo bikunu, bukuri ntaangu ya ntolulu bikunu yimwaatubuka; bukuri bikunu bya butoto bimwaayele!»

Nyabusulu ya Yowane 14:15 ပူးပေါင်းရင်းမြစ်များ

Musamu wamubwete watina Matayi 13:30

Hemese byobyoolo byebuuka natee ku batolo. Tumi mu ntaangu ya kutolo, me mbasi-tsuku ndeele kuri babo batolo ti: Tekeselee kuyisila lukengisi, lukaanga lwo mu biko na kuyoko; tumi lukutikisa looso mu matalaka."»

Musamu wamubwete watina Matayi 13:39

mutaatu wukwenyaka nsaangi dza lukengisi, ngo dyabulu; ntolulu ngo nsukulu ntaangu, batori ngo bambasi.

Musamu wamubwete watina Matayi 23:32

Hango, luuluseenu kiteesu kya bataayi beenu!

Musamu wamubwete watina Malako 4:29

Mankono mamanaa kuyele, mwaa-kidzika kyantele, bahoriri mambeesi bukuri ntaangu ya kutolo yiyelemini.»

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.

Nyabusulu ya Yowane 11:19

Nzo-nzaambi yadzibuma ku yulu, sanduku dya lulelusunu lwaandi dyamonoko, mu Nzo-nzaambi yaandi; manseremi, mambeembu, manzasi, ningununu butoto na mvula ya midiingi ya makwa byasalama.

Nyabusulu ya Yowane 13:12

Kyo kyaba kwesalila lutumu lwolunso lwa kibulu kyatete, ha busu bwaandi. Kibulu kikyo kyasa kuri ti butoto na badzakala mu bwo, basaambila kibulu kyatete, kyaba na mputa ya lufwa yabeelekiri.

Nyabusulu ya Yowane 14:14

Me nyatala, na nyamono tuti dyahembeke, na ha yulu dyo, kwaba kwadzakala wafwanikina na mwaana muutu, waba na lukoongolo lwa woolo ha yulu mutu, na mu kooko kwaandi wakwaata kisalulu kyasekusu.

Nyabusulu ya Yowane 14:16

Waba wadzakala ha yulu tuti, watubu kisalulu kyaandi ha nsi, na batolo bikunu ha butoto.

Nyabusulu ya Yowane 14:17

Mbasi yakaka yapala mu Nzo-nzaambi ya ku yulu, nde se waba wakwaata kisalulu kyasekusu.

Nyabusulu ya Yowane 14:18

Mbasi yikimi yaba na lutumu mu mbaawu, yapalila ha dziku. Yo yabikisa mu mbeembu yayinene kuri waba na kisalulu kyasekusu ha kooko, yaleele ti: «Laambula kisalulu kyaaku kyasekusu, na kaba binkaangi bya bviinya dya butoto, bukuri bimbutu bwaandi bimwaabeenge.»

Nyabusulu ya Yowane 15:6

na bambasi bo nsaamu bapala mu Nzo-nzaambi, na biteesu byo nsaamu bya mpasi, baba balwaata binkuta bya ntalu bikweseme, na misweele myawoolo mu ntulu.

Nyabusulu ya Yowane 16:17

Mbasi yansaamu yatsaamuna mbasa yaandi mu maheembele; mbeembu yayinene yafumuna ku mboloko ya mu Nzo-nzaambi yayukukuna na yileele ti: «Ma mwaayirima.»

Nyabusulu ya Yowane 6:10

Bo babikisa mu mbeembu yayinene ti: «Natee kya ntaangu, Mfumu yangisi na yangwanwa, ye wukiinga mu kutsuundisa bari ha butoto, na kubvutula kitete mu makila ma beetu?»