Nyabusulu ya Yowane 13:6 - Musamu Wamubwete 2013

⁶ Kyo kyadzibula munwa mu kusaana Nzaambi, mu kusaana nkuumbu yaandi, musaampu waandi na babo badzakala ku yulu.

Nyabusulu ya Yowane 13:6 ပူးပေါင်းရင်းမြစ်များ

Musamu wamubwete watina Matayi 12:34

Beenu kitsuumbu kya bampiri! Dyaburi beenu lutsiisa kudzoonso misamu myamibwete, habaana luri bababi? Bukuri mimyo midzoonsaa muutu myaluula mu mutima.

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Mukaanda kuri bari Loma 3:13

Miwiri mya bo, mampeembe mamwaasi, bakwesalila ndima dza bo mu kwewuna, mu bibori bya bo muri misya mya mpiri;

Mukaanda kuri bari Kolosayi 1:19

Bukuri Nzaambi watiiri kudzakisa nduululu yoyinso ya kinzaambi kyaandi mu nde,

Mukaanda kuri bari Kolosayi 2:9

Bukuri mu nyutu ya nde, mwadzakala nduululu yoyinso ya kinzaambi,

Mukaanda kuri Bahebeleho 9:2

Mukwongo, mu musaampu watete wu batelimisi, wu baba leelaana ti nzo yangisi, mwaba kitetukulu kya mwiinda, taabala, na mampa maha mu kikabu.

Mukaanda kuri Bahebeleho 9:24

Mukwongo, Kiristo wahele kukoto mu manzo mangisi, matuungu mu myooko mya baatu, mari kini kifwaani kya nzo yangisi yangwanwa, ngo wakoto mu yulu dyo-meene, mu kumonokono lumalu ha busu bwa Nzaambi mu ntoono beetu.

Nyabusulu ya Yowane 11:12

Babikiri babo bayuka mbeembu yayinene ku yulu yaleele kuri bo ti: «Nwaatee hamaha.» Bo banwaata ku yulu mu tuti, na bataatu baaku babamono.

Nyabusulu ya Yowane 12:12

Hango-nkuumbu, monee kiminu, mayulu na babo badzakila mu mo! Mpasi kuri butoto na kuri mubu, bukuri dyabulu mwaasunduka kuri beenu, wuri na nkesi dzamakwa, bu kayaari kuri ti Mwaa-ntaangu yantele kari na yo.»

Nyabusulu ya Yowane 15:5

Ha mambisa haho, me nyamono Nzo-nzaambi ku yulu yadzibulu, mwaba musaampu wa kimbaangi,

Nyabusulu ya Yowane 18:20

Yulu, mono kiminu mu dyo! Beenu se bangisi, bantumu na babikiri, monee kiminu, bukuri Nzaambi tsuundisiri dyo mu ntoono bubi bu kaluyirikiri!

Nyabusulu ya Yowane 21:3

Me nyayuka mbeembu yayinene yapala mu mboloko yabaleele ti: «Mono, musaampu Nzaambi weki ha kakati dya baatu! Nde sa kadzakala na bo, na bo sa baba kaanda dyaandi; na nde ha kakati dya bo, sa kaba [Nzaambi bo].

Nyabusulu ya Yowane 4:1

Ha mambisa haho, me nyamono mweelu wadzibulu ku mayulu. Mbeembu yatete yi nyayukiri, yaba dzoonso kuri me, bunu mvumvuri, yaleele ti: «Nwaata hamaha, me nyikusoongo mamo mayirima ha lumbisa.»

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.

Nyabusulu ya Yowane 5:13

Biyiriki byobinso biri ku yulu, biri ha butoto, biri ku nsuku butoto, biri mu mubu na byobinso biri mu mo, me nyayuka bibikisa ti: «Kuri wunde wadzakala ha mboloko, na kuri Mwaana kimeeme kuba ndumusu, lukiinsu, nkeembu na makwa mu mibvu ngo mibvu.»

Nyabusulu ya Yowane 7:15

Mu didyo bo bari ha busu bwa mboloko ya Nzaambi, na bari mu kumusaambila butsuku na mwiini mu Nzo-nzaambi yaandi. Wunde wadzakala ha mboloko, sa kabafuka kunsa musaampu waandi.

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.