Nyabusulu ya Yowane 13:2 - Musamu Wamubwete 2013

² Kibulu ki nyamwiini me, kyaba kyafwanikina na ngo, miilu myaandi myaba bunu miilu mya nzusi, munwa waandi bunu munwa nkosi. Maŋataŋo waha mpinu dzaandi, mboloko yaandi na lutumu lwalunene kuri kibulu kikyo.

Nyabusulu ya Yowane 13:2 ပူးပေါင်းရင်းမြစ်များ

2 Tim 4:17

Mfumu wambakisiri na wampeeri makwa, mpisi heki mu munwa me, maampu maba mayaabusu mu kiteesu kyakuka, na maba mayukukuna kuri makaanda momanso. Me bankuuriri mu munwa nkosi.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

Nyabusulu ya Yowane 12:13

Maŋataŋo, wasungumina mukyeetu wabutiri mwaana wa mu bakala, bu kamono ti bamutubiri ha butoto.

Nyabusulu ya Yowane 12:15

Nyoko yaluka, mu munwa waandi, maampa mari bunu nyari ha mambisa ma wa mukyeetu, mpisi heki kadyaama mu yo.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:12

Kyo kyaba kwesalila lutumu lwolunso lwa kibulu kyatete, ha busu bwaandi. Kibulu kikyo kyasa kuri ti butoto na badzakala mu bwo, basaambila kibulu kyatete, kyaba na mputa ya lufwa yabeelekiri.

Nyabusulu ya Yowane 13:4

Baatu basaambila maŋataŋo, bukuri nde waheeri lutumu kuri kibulu; basaambila kibulu na baleele ti: «Na wafwanikina na kibulu, na na wakuka mu kunwaanisa kyo?»

Nyabusulu ya Yowane 16:10

Mbasi yabataanu yatsaamuna mbasa yaandi ha yulu mboloko ya kibulu. Kimfumu kyaandi kyakoto mampimbisi. Baatu batatika ndima dzaaku mu mpasi.

Nyabusulu ya Yowane 17:12

«Mampoko kuumi ma wamwii ye, ngo bambyaasi kuumi, bakiri kutaambula pe kimfumu; kasi sa bataambula lutumu bunu bambyaasi mu kilookolo kimosi, kintwaari na kibulu.

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Nyabusulu ya Yowane 20:2

Yo yakwaata maŋataŋo, nyoko yayikulu, yiri dyabulu na Satana, na yamukaanga mu syeene mu fuunda dya mibvu.