Nyabusulu ya Yowane 13:14 - Musamu Wamubwete 2013

¹⁴ Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 13:14 ပူးပေါင်းရင်းမြစ်များ

2 Tes 2:4

Wunde wutelemese kitaatu, na wudzaangama ha busu bwa mpisi ki baleeriri ti Nzaambi bunu pe ki basaambilaana, natee mu kiteesu kya kudzakala mu nzo Nzaambi, na kuleele nde-meene ti nde ngo Nzaambi.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:1

Me nyamono kibulu kitoomboko mu mubu, kyaba na mampoko kuumi na mitu nsaamu, mu yulu mampoko maandi mo kuumi, mwaba mampu kuumi ma lutumu, na ha yulu mpisi mutu waandi kwaba mankuumbu ma nsaanunu.

Nyabusulu ya Yowane 13:15

Baha kibulu kyabyoolo kikyo miswa, mu kuha muwuumunu kuri kiteki kya kifwaani kya kibulu kyatete, mpisi kiteki kikyo kidzoonso, na kisa kuri ti badzusa bobanso bari basii saambila kiteki kya kifwaani kya kibulu ko.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.

Nyabusulu ya Yowane 14:11

Mwiisi wa nkwamusunu bo sa katoomboko, mu bibvu ngo bibvu. Basaambila kibulu na kiteki kya kifwaani kya kibulu ki kyo, na mpisi wunde wutaambula kidiimbu kya nkuumbu yaandi, baba na kidzuunu ko, butsuku na mwiini.»

Nyabusulu ya Yowane 14:9

Mbasi yikimi ya batatu yanama boboolo batete, yaleele mu mbeembu yayinene: «Mbuti muutu saambiri kibulu, na kiteki kya kifwaani kya kibulu, na taamburi kidiimbu ha mbuunsu yaandi bunu pe ha yulu kooko kwaandi,

Nyabusulu ya Yowane 15:2

Me nyamono bunu ti mubu wasaanga na mbaawu, wuri mu kuseme bunu lumweenye, babo baluulukiri mu kibulu, mu kiteki kyaandi na mu lutaangu lwa nkuumbu yaandi, baba bateleme ha yulu mubu wuri mu kuseme bunu lumweenye, bari na mangoomfi ma Nzaambi.

Nyabusulu ya Yowane 16:13

Me nyamono mampeeve matatu masumuka, mari bunu madzuundu, mapala mu munwa maŋataŋo, mu munwa kibulu, na mu munwa babikiri bampya.

Nyabusulu ya Yowane 16:2

Yatete yayende na yatsaamuna mbasa yaandi ha butoto. Munuungu wamubi na wa mpasi wabwiilila baatu baba na kidiimbu kya kibulu na babasaambila kiteki kya kifwaani kya kibulu kikyo.

Nyabusulu ya Yowane 18:23

ku nzo ye, babweese kumono buungi bwa mwiinda ko; ku nzo ye, babweese kuyuka mambeembu ma munkuula na ntuumba bari mu lulelusunu lwa makweele ko, bukuri bangaa-mumbungu ba ye, babeeri baatu ba lukiinsu butoto, bukuri mu makundu maaku, ye wawumini makaanda momanso.»

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 20:10

Dyabulu mudziimbisi bo, bamutuba ku dyaanga dya mbaawu ya mile, kukwo kuri kibulu na mubikiri wampya, sa baba bakwaamusu butsuku na mwiini mu bibvu ngo bibvu.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.