Nyabusulu ya Yowane 13:13 - Musamu Wamubwete 2013

¹³ Kyo kyasa bimaangu byabinene, kuri lo sundiri mbaawu ya ku yulu ha butoto, ha busu bwa baatu.

Nyabusulu ya Yowane 13:13 ပူးပေါင်းရင်းမြစ်များ

Musamu wamubwete watina Matayi 16:1

Bafarisi na Basaduki mu kutsiitsa Yesu, bakokosolo kuri nde, na bamuloombo kabasoongo kidiimbu kya ku yulu.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Musamu wamubwete watina Malako 13:22

bukuri ba-Kiristo bampya, na babikiri bampya, sa bateleme, sa bayirika bidiimbu na bimaangu mu kiteesu kya kuwumuna basoolu, mbuti buri bwakuka.

2 Tim 3:8

Bunu Yanese bo na Yamberese babanwaanisa Moose, bunubwo se baatu bamaba bakwenwaanisa ngwanwa, madyeele ma bo mabiiya, na bo babwa mu mitariri kanyi.

Nyabusulu ya Yowane 11:5

Mbuti muutu tiiri kubasa bubi, lo mbaawu yipariri mu minwa mya bo, na yinyeengisini bataatu ba bo; mpisi wutiiri kubasa bubi, lo bubwo kafwiila.

Nyabusulu ya Yowane 16:14

Mukwongo, mampeeve mamabi mari, makwesa bidiimbu, makweyende kuri bambyaasi ba nsi yansiina, mu kubakutukisa, mu ntoono mudziingu, wa kiluumbu kyakinene kya Nzaambi mpuungu.

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.

Nyabusulu ya Yowane 20:9

Makaanda makutukina ha butoto, badyengekele bula bwa bangisi na bvula dya mutima. Ngo mbaawu yanangukina ku yulu, yasunduka na yabanyeengise.