Nyabusulu ya Yowane 12:7 - Musamu Wamubwete 2013

⁷ Mudziingu wabwa ku yulu, Mikaheli na bambasi baandi banwaana mudziingu na maŋataŋo. Maŋataŋo se na bambasi baandi banwaana mudziingu,

Nyabusulu ya Yowane 12:7 ပူးပေါင်းရင်းမြစ်များ

Musamu wamubwete watina Matayi 13:41

Mwaana muutu sa kaheeke bambasi baandi, na sa bapalisa mu Kimfumu kyaandi, bobanso bakwebwiisa bambaasi mu masumu, na bakwesalila bubayi,

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 24:31

Nde sa kaheeke bambasi baandi, na mvumvuri yayinene, na bo sa bakutukisa ba nde ba kari kasoolo, mu manto ma butoto mo mana, kuholosono mu manto ma mayulu mamosi natee mu manto makaka.»

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Matayi 26:53

Buri ye bu tsimini ti, me lo nyahele kuyingukila taayi dyaami, mpisi nde kasuusa ha teke me, mu kilookolo ki, mikaangu mya bambasi myaluta kiteesu kya kuumi na myoolo?

2 Kol 12:7

Mu ntoono manyabusulu mankimukunu. Hango-nkuumbu, mu kuri ti me mpele kuba na masiiku, me bankotoso lunseende mu nyutu, mbasi ya Satana yikwendata, mpisi heki me mpele kuba na masiiku.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

2 Tes 1:7

na kaha mpuumunu, kuri beenu luri mu kwemono manyoongi, na kuri beetu. Mimyo mbasi-tsuku sa myaba ha monokono Mfumu Yesu mu mayulu na bambasi ba mpinu dzaandi,

Mukaanda kuri Bahebeleho 2:10

Mukwongo, bwaba bwayelemene kuri wunde wuri, byobinso biri mu ntoono ya nde, na byayirimina kuri nde, mu kunata baala balaka mu nkeembu, na kukukisa mvuukulu ya bo, mu mpasi dza wunde wabaandikiri mvuukulu yiyo.

2 Pet 2:4

Mukwongo, Nzaambi kasii wuungula bambasi basumukini ko, ngo wabakaangiri mu bikonyi, na wabatubiri ku lubila lwa mampimbisi, ku kari kabawuunguka mu ntoono mutsuundu.

Mukaanda Yuda 1:9

Ngo kasi, Mikaheli mbasi ya yikuutu, ha baba kalakanaa bo na dyabulu, mu kukaangina nyutu Moose, kasii tya kumuteesele mya nsaanunu ko, ngo nde bu kamuleeriri ti: "Mfumu kakuseembe!"

Nyabusulu ya Yowane 12:8

ngo kasii kubvula makwa ko, na kwasii bakama kibeendu kya bo ku yulu ko.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:7

Bakiha miswa mu kunwaanisa bangisi na mu kuluuluka mu bo, bamuha lutumu ha yulu bitsuumbu byobinso, baatu bobanso, mandiinga momanso na makaanda momanso.

Nyabusulu ya Yowane 20:2

Yo yakwaata maŋataŋo, nyoko yayikulu, yiri dyabulu na Satana, na yamukaanga mu syeene mu fuunda dya mibvu.