Nyabusulu ya Yowane 12:11 - Musamu Wamubwete 2013

¹¹ Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 12:11 ပူးပေါင်းရင်းမြစ်များ

Musamu wamubwete watina Luka 14:26

«Mbuti muutu wukwiisa kuri me, ngo wahele kubele taayi dyaandi, nguri, mukasi, baala, bampaangi na bibusi na kidziingu kya nde-meene, lo kari mbeele muyiki me ko.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 21:13

Haho, Pawulo wabvutula ti: "Nki luri mu kusa mu kudiila na mu kutabula me mutima? Me nyayirima, kari mu kunu kuri ti bankaanga bikonyi ko, ngo na mu kufwa ku Yerusalemi mu nkuumbu ya Mfumu Yesu."

Mukaanda kuri bari Loma 16:20

Mwaa kidzika kyantele, Nzaambi ya kiyeengi sa kakosono Saatana kunsa bitaambi byeenu. Bweese bwa Mfumu yeenu Yesu buba na beenu!

1 Kol 15:57

Matoondo kuri Nzaambi, nde kootuhaanaa ndulukulu mu Mfumu yeetu Yesu Kiristo.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

1 Yow 5:5

Na waluuluka mu nsi, mbuti ka wunde wasiila kanyi, ti Yesu ngo Mwaana Nzaambi ko?

Nyabusulu ya Yowane 1:2

wunde wata kimbaangi mu Maampu ma Nzaambi, na kimbaangi kya Yesu Kiristo, momanso ma kari kamono.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 11:7

Mu ntaangu yi bamana kuta kimbaangi kya bo, kibulu kitoomboko mu lubila, sa kaba bwisikila mudziingu, sa kababwiisa na kabadzusa.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Nyabusulu ya Yowane 2:17

«Wunde wuri na makutu mu kuyuka, kayuka mamo madzoonsiri Mpeeve kuri mabuundu!» «Kuri wuluuluka, me sa nyamuha maana, yasweeku; na sa nyaha kuri nde tari dyahembeke, na ha yulu tari dyatinu nkuumbu yamoono, yiri muutu ti mosi kayaa ko, mbuti ka wutaambula dyo ko.»

Nyabusulu ya Yowane 2:26

«Kuri wunde wuluulukiri na wukebiri biyiriki byaami natee manunu, me sa nyaha kuri nde, lutumu ha yulu makaanda,

Nyabusulu ya Yowane 2:7

«Wunde wuri na makutu kayuka, mamo madzoonsiri Mpeeve kuri dibuundu. Kuri wunde wuluuluka, me sa nyimuha muti wa mwooyo wa kudya, wuri mu paradiso dya Nzaambi.»

Nyabusulu ya Yowane 20:4

Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.

Nyabusulu ya Yowane 3:12

«Kuri wunde wuluuluka, me nsa nyamusa kuunsi dya mu Nzo ya Nzaambi yaami, na kabweese kupala ko, na me nsa ntina nkuumbu ya Nzaambi yaami ha yulu nde, na nkuumbu ya bvula dya Nzaambi yaami, Yerusalemi dyamoono, disunduka mu yulu, kuri Nzaambi yaami, na nkuumbu yaami yamoono.»

Nyabusulu ya Yowane 3:21

«Wunde wuluuluka, me nsa nyamudzakisa kintwaari na me ha mboloko yaami, bunu buri me se nyalulukiri, na nyadzakala kintwaari na Taata, ha mboloko yaandi.»

Nyabusulu ya Yowane 3:5

«Wuluuluka se sa kaba mu bilwaatu byahembeke, na nyiyaala nkuumbu yaandi mu mukaanda wa mwooyo ko, na sa nyamuteelile kimbaangi ha busu bwa Taata, na ha busu bwa bambasi baandi.»

Nyabusulu ya Yowane 6:9

Ha kaba dzibula kinyemu kyabitaanu, me nyamono ku nsuku dziku, miheebulu mya babo babakekiri mu ntoono maampu ma Nzaambi, na mu ntoono kimbaangi ki bari baleele.