Nyabusulu ya Yowane 11:2 - Musamu Wamubwete 2013

² Mbasi Nzo-nzaambi ngo yiri, hemese kwaandi, yaa teese ko, bukuri bayeki bayiha kuri makaanda. Mo sa madzabata bvula dyangisi mu mangoondo makuumi mana na moolo.

Nyabusulu ya Yowane 11:2 ပူးပေါင်းရင်းမြစ်များ

Musamu wamubwete watina Matayi 27:53

Bu bapala mu mampeembe, ha mambisa ma mfulukulu yaandi, bakoto mu bvula dyangisi, na bamonokono kuri baatu balaka.

Musamu wamubwete watina Matayi 4:5

Haho, dyabulu wamunata ku bvula dyangisi, na wateeteke ku yulu nsoongi Nzo-nzaambi,

Musamu wamubwete watina Matayi 5:13

«Beenu luri mungwa butoto; mbuti mungwa weki wahele nyeke, lo mu nki babweese kumubvutukila nyeke? Lo kasii mufunu ko, bisiiri lo kunu kumulooso ku mbasi, ku kaba wadyaatu kuri baatu.»

Musamu wamubwete watina Luka 21:24

Sa bafwiilila mu mbeesi yayila, na sa babanata ku bunkutu, mu mansi momanso, na bangooyi sa batsaamuna Yerusalemi natee ntaangu ya bangooyi yikukiri.»

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

Nyabusulu ya Yowane 11:11

Ha mambisa ma biluumbu bitatu na ndaambu, muwuumunu wa mwooyo wa Nzaambi wakoto mu bo, na bo bateleme; babo baba bamono, babaka boomo bwalaka.

Nyabusulu ya Yowane 11:3

Me sa nyaha miswa kuri bambaangi baami boboolo, mu kubikula mu fuunda dimosi nkama dzoolo na makuumi masaamunu ma biluumbu kuri balwaata matsaaka.»

Nyabusulu ya Yowane 12:6

Mukyeetu wayitika ku nsi yankatu, kwamuyirikila Nzaambi kibeendu, mpisi kaba wadiisulu kukwo, mu fuunda dimosi nkama dzoolo na makuumi masaamunu ma biluumbu.

Nyabusulu ya Yowane 21:10

Nde wanata me mu mpeeve ku yulu mulaandu wamunene, wadzaangama, na wansoongo bvula dyangisi, Yerusalemi, dyanangukina ku yulu kuri Nzaambi, dyaba sunduka

Nyabusulu ya Yowane 21:2

Me nyamono bvula dyangisi, Yerusalemi dyamoono, dyasunduka mu yulu kuri Nzaambi, dyalwaata bunu ntuumba yayirima mu kweebwaana mulumi waandi.

Nyabusulu ya Yowane 22:19

Na mbuti muutu yisiri maampu ma mukaanda wa mbikululu yimayi, lo Nzaambi sa kayusula kikuuku kya nde kya bimbutu, mu muti wa bumwooyo na mu bvula dyangisi, bi bari badzoonsolo mu mukaanda wumawu.