Nyabusulu ya Yowane 1:9 - Musamu Wamubwete 2013

⁹ Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 1:9 ပူးပေါင်းရင်းမြစ်များ

Musamu wamubwete watina Matayi 20:23

Yesu wabaleele ti: «Mbasa me, beenu ngo luri sa lwanwa; ngo mu matariri kudzakala ha lubakala na ha lumosi lwa me, kari me nyiha miswa [mimyo] ko, ngo bibeendu bibyo bya babo, bari Taayi dya me wabayirikila byo.»

Musamu wamubwete watina Malako 10:39

Bo babvutula kuri nde ti: «Beetu lo tubangusini.» Ngo Yesu wabaleele ti: «Mbasa yi nyinwa me, beenu sa lwanwa, na mbotokulu yi babotoko me, beenu sa balubotoko mu yo.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Mukaanda kuri bari Loma 8:25

Ngo mbuti beetu tusa nsiitu mu bibyo biri twahele kumono, lo tukwekiingila mu nkindusulu-mutima.

2 Kol 1:7

Na beetu turi na nsiitu ya makwa mu ntoono beenu, bu tuyaari kuri ti, bunu bu luri kintwaari na beetu mu mpasi, bunubwo se luri kintwaari mu mboondulu.

Mukaanda kuri bari Filipo 1:7

Buri bwa yelemene ti, me nyetsima ma bubwo mu beenu-banso, bukuri me nyalusuusa mu mutima waami. Ti hayuku me nyiri mu boroko, nyiri mu kukalala nyutu, na nyiri mu kusyaamisa Musamu Wamubwete, lo beenu-banso luri kintwaari mu bweese bwa me.

Mukaanda kuri bari Filipo 4:14

Ngo beenu lwayirikiri mamabwe, mu kukabula mpasi dza me.

2 Tes 3:5

Hemese Mfumu kutwaalisa mitima myeenu mu ntiilu ya Nzaambi, na mu kifiki kya Kiristo.

2 Tim 1:8

Yaa ba na nsoni ko mu kuta kimbaangi mu Mfumu yeetu, bunu pe mu me nyiri mu bikonyi mu ntoono nde. Kasi mono mpasi ha kimosi na me mu ntoono Musamu Wamubwete, bunu buri mpinu dza Nzaambi.

Mukaanda kuri Bahebeleho 10:36

Mukwongo, beenu luri na nzala kuba na kifiki, mu kukukisa kutya kwa Nzaambi, na kutaambula bi kari kasa lusiilulu.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

Nyabusulu ya Yowane 1:1

Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Nyabusulu ya Yowane 1:2

wunde wata kimbaangi mu Maampu ma Nzaambi, na kimbaangi kya Yesu Kiristo, momanso ma kari kamono.

Nyabusulu ya Yowane 1:4

Yowane, kuri mabuundu nsaamu mari mu nsi ya Asya: Bweese kuri beenu na kiyeengi bifumini kuri wunde wuri, waba, na wukwiisa, na kuri mampeeve nsaamu mari ha busu bwa mboloko yaandi,

Nyabusulu ya Yowane 1:6

nde wasa beetu kimfumu kya bangaanga-nzaambi, mu kusalila Nzaambi wuri se Taayi dyaandi; kuri nde kuba nkeembu na makwa mu bibvu ngo bibvu! Amene!

Nyabusulu ya Yowane 11:7

Mu ntaangu yi bamana kuta kimbaangi kya bo, kibulu kitoomboko mu lubila, sa kaba bwisikila mudziingu, sa kababwiisa na kabadzusa.

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 13:10

Mbuti muutu wataasulu mu bunkutu, lo ku bunkutu kakweende. Mbuti muutu wataasulu mu lufwa lwa mbeesi yayila, lo mu mbeesi yayila kafwiila. Haho ngo, ha bamono kifiki na kanyi dya bangisi.»

Nyabusulu ya Yowane 14:12

Haho ngo, ha bamono kifiki kya bangisi, bakebaa ntumunu dza Nzaambi na kanyi mu Yesu.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 20:4

Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.

Nyabusulu ya Yowane 6:9

Ha kaba dzibula kinyemu kyabitaanu, me nyamono ku nsuku dziku, miheebulu mya babo babakekiri mu ntoono maampu ma Nzaambi, na mu ntoono kimbaangi ki bari baleele.

Nyabusulu ya Yowane 7:14

Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.