Nyabusulu ya Yowane 1:3 - Musamu Wamubwete 2013

³ Kiminu kiri na muutu wunde wutaanga mukaanda wu, na kiri na bayuka maampu ma mbikululu, na bakebaa mari mu yo, bukuri ntaangu yeki bebele.

Nyabusulu ya Yowane 1:3 ပူးပေါင်းရင်းမြစ်များ

Musamu wamubwete watina Matayi 24:15

«Hango mbasi-tsuku di lumono beenu "misamu myahele bwa kukuundila", bari mu kumiyirika ha kibeendu kyangisi, bwaba leele Danyeli mubikiri, lo wunde wutaanga kabakula.

Musamu wamubwete watina Luka 11:28

Nde wabvutula ti: «Kiminu lo kibvuriri kuri babo bayukaa maampu ma Nzaambi na bamasalilaana!»

Mukaanda kuri bari Loma 13:11

Yabee kuri ti, ntaangu yimwaatubuka, kyeki kilookolo ki luyelemini kuba naana, bukuri mu lumalu, mvuukulu yeki yibvuriri bebele na beetuneenu, ti na mu ntaangu yi twasiiriri kanyi.

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

2 Pet 3:8

Ngo banduku ba mutima, kuri ntoono mosi yiri beenu yaa luhele kuyiyaaba ko: kiluumbu kimosi kuri Mfumu, kiri bunu fuunda dya mibvu, na fuunda dya mibvu diri bunu kiluumbu kimosi.

Nyabusulu ya Yowane 22:10

Mbasi yaleele kuri me ti: «Yaa sweeke maampu ma mbikukulu ma mukaanda wumawu ko, bukuri ntaangu yeki bebele.

Nyabusulu ya Yowane 22:12

«Mono, me nyiri mu kwiisa mu mawasu na museendu waami, mu kubvutula kuri muutu-muutu bunu buri biyiriki byaandi.

Nyabusulu ya Yowane 22:20

Wunde wuri mu kuta kimbaangi mu mimyo, wuleele ti: «Heehe, mwaa-ntaangu yantele yisiiri, me nyiisiri!» Amene! Mfumu Yesu, wasa!

Nyabusulu ya Yowane 3:11

Me nyikwiisa mu mawasu: kwaata na keketee bi wuri na byo, mpisi heki muutu kahele kuholo mpu yaaku ya ndulukulu.»