Nyabusulu ya Yowane 1:18 - Musamu Wamubwete 2013

¹⁸ wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.

Nyabusulu ya Yowane 1:18 ပူးပေါင်းရင်းမြစ်များ

Musamu wamubwete watina Matayi 11:23

Heki ye Kafarnawumi, buri natee ku yulu, ye wuba wadzaangusu? Natee ku nsuku lubila ye wusunduka; bukuri mbuti mu Sodoma mwa yirimini bimaangu byayirimini ku wuri ye, nkani Sodoma dyakiri natee lolo.

Musamu wamubwete watina Matayi 16:19

Me sa nyikuha mafungula ma Kimfumu kya mayulu. Ma wukaanga ye ha butoto, sa maba makaangu ku mayulu. Na mamo ma wunyanguna ye ha butoto, sa maba manyangunu ku mayulu.»

Musamu wamubwete watina Luka 24:5

Babwiilikila kinkuuka, na bayilimisa mabusu mu nsi. Babakala babo babaleele ti: «Buri luri mu kwesaka muutu wamwooyo ha kakati dya bafwa?

Musamu wamubwete watina Yowane 11:25

Yesu wamuleele ti: «Me ngo mfulukulu na bumwooyo. Wunde wusiila kanyi mu me, ti hayuku wafwa, lo sa kaba mwooyo;

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Mukaanda kuri bari Loma 6:9

Bu tuyaari kuri ti Kiristo wafulukiri mu bafwa, kabweese kufwa ko, lufwa ka lubweese kuba na lutumu mu nde ko.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Kolosayi 3:3

Bukuri beenu lwafwa, na kidziingu kyeenu kyasweeku kintwaari na Kiristo mu Nzaambi.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

Mukaanda kuri Bahebeleho 7:16

Nde wuri lo weki ngaanga-nzaambi, ngo kari bunu buri ntumunu dza mangisi ma kimuutu ko, kasi bunu buri mpinu dza kidziingu kyahele manunu.

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

Nyabusulu ya Yowane 10:6

yaa laba maalu mu nkuumbu ya wunde wuri mwooyo mu bibvu ngo bibvu, wayirika mayulu na byobinso biri mu mo, wayirika butoto na byobinso biri mu bwo, wayirika mubu na byobinso biri mu nde. «Ku sii ntaangu ko.

Nyabusulu ya Yowane 15:7

Mosi mu bibulu bina waha kuri bambasi nsaamu, mambasa nsaamu mawoolo maluula mu nkesi dza Nzaambi, yiri mwooyo mu bibvu ngo bibvu.

Nyabusulu ya Yowane 2:8

Tina kuri mbasi ya dibuundu dya Semirana: «Watete na wampotulu, wafwiiri na wafulukiri, bumabu kari mu kuleele:

Nyabusulu ya Yowane 20:13

Mubu wabvutula bafwa baba mu nde. Lufwa na nsi ya bafwa babvutula bafwa baba mu bo. Babatsuundisa muutu-muutu bunu buri biyiriki byaandi.

Nyabusulu ya Yowane 20:14

Lufwa na nsi ya bafwa babituba ku dyaanga dya mbaawu. Dyaanga dya mbaawu didyo ngo lufwa lwadzoolo.

Nyabusulu ya Yowane 3:7

Tina kuri mbasi ya dibuundu dya Filadelefya: «Wangisi, Wangwanwa, wuri na mafungula ma Davidi, kadzibulaana, wukaanga nde pe, na kakaangaana, wudzibula nde pe, bu kari mu kuleele:

Nyabusulu ya Yowane 4:9

Na mu mpisi ntaangu, yiri bibulu bibyo biha nkeembu, lukiinsu na matoondo kuri wunde wadzakala ha yulu mboloko, wuri mwooyo mu bibvu ngo bibvu,

Nyabusulu ya Yowane 5:14

Na bibulu byobina byaba taambulaa ti: «Amene!» Na binuni byayilima na byasaambila.

Nyabusulu ya Yowane 6:8

Me nyamono kavaalu dya ntiinta ya maampa ma nsaka. Wunde waba wadzakala ha yulu dyo nkuumbu yaandi lufwa, na nsi ya bafwa yaba kwemunama. Baha kuri bo lutumu mu kibari kimosi, mu bibari bina bya butoto, mpisi badzusila baatu mu mbeesi yayila, mu nzala, mu lufwa na mu bibulu byansisi biri ha butoto.

Nyabusulu ya Yowane 9:1

Mbasi yabataanu yasika mvumvuri, na me nyamono mbwetete, yanangukina ku yulu, yibwiiri ha butoto, baha mbwetete yiyo fungula dya bulu dya lubila,