Nyabusulu ya Yowane 1:1 - Musamu Wamubwete 2013

¹ Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Nyabusulu ya Yowane 1:1 ပူးပေါင်းရင်းမြစ်များ

Musamu wamubwete watina Yowane 12:49

Bukuri me nsii dzoonso mu me-meene ko, ngo Taayi dyaami wampeeke, wampee lutumu mu mya kuleele na mya kudzoonsolo.

Musamu wamubwete watina Yowane 15:15

Me nyahele kubweese kuluteele bisari, bukuri kisari kayaa bisaana mfumu yaandi ko. Me nyiluteele banduku, bukuri me nyaluyaabisiri myominso mi nyayikiri kuri Taayi dyaami.

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 3:32

Nde wuta kimbaangi, mu ma kari kamono na ma kari kayuka, ngo muutu ti mosi wahele kutaambula kimbaangi kya nde.

Musamu wamubwete watina Yowane 8:26

Me nyiri na myalaka mya kuleele na mya kutsuundisa mu ntoono beenu; ngo wunde waheeke me wuri wangwanwa, na mamo ma nyiri nyayuka kuri nde, mamo me nyileele kuri nsi.»

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

Mukaanda kuri bari Ngalatya 1:12

Nyahele se kutaambula nde kuri muutu; kuri muutu ti mosi se ko wanyikisa nde, ngo me nyataambula nde mu nyabusulu ya nde-meene Yesu Kiristo.

Mukaanda kuri bari Efeso 3:3

Me nyataambula mpaanu mu nyabusulu, bunu bu nyatekisiri kulutinina mu bukufi.

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Nyabusulu ya Yowane 1:19

Hango, tina ma mwiini, mamo mari, na mari mu kwiisa ha lumbisa lwa mamo.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 17:1

Mosi mu bambasi nsaamu baba bakwaata mambasa nsaamu, wayisa mu kudzoonso na me, waleele ti: «Wasa, me sa nyakusoongo buba nsundusulu kiyala kya mukyeetu kyakinene, kyadzakala ha yulu maampa mamanene,

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 19:9

Mbasi yaleele kuri me ti: «Tina: Kiminu kiri na babo ba bari bateele mbila, mu kudya byandya bya makweele ma Mwaana kimeeme.» Yabweese kuleele kuri me ti: «Mamo ngo Maampu ma Nzaambi mangwanwa.»

Nyabusulu ya Yowane 21:2

Me nyamono bvula dyangisi, Yerusalemi dyamoono, dyasunduka mu yulu kuri Nzaambi, dyalwaata bunu ntuumba yayirima mu kweebwaana mulumi waandi.

Nyabusulu ya Yowane 21:9

Mosi mu bambasi nsaamu, baba na mambasa nsaamu maluula mu biteesu nsaamu bya mpasi bya mpotulu, wayisa na wadzoonso na me, waleele ti: «Wasa, me nyikusoongo mukyeetu wa lulelusunu lwa makweele, mukasi Mwaana kimeeme.»

Nyabusulu ya Yowane 22:1

Mbasi yasoongo me nyari ya maampa ma mwooyo, matsyeeme bunu lumweenye, yiri mu kupala mu mboloko Nzaambi, bo na Mwaana kimeeme,

Nyabusulu ya Yowane 22:16

«Me Yesu, nyaheekiri mbasi yaami, mu kuteele beenu kimbaangi mu mi tariri mabuundu. Me nyapalila mu kaanda dya Davidi, mbwetete yisemaa ya minkya.»

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»

Nyabusulu ya Yowane 22:8

Me Yowane, nyayukiri na nyamwiini mimyo. Me manaa kuyuka na kumono mimyo, me nyabwa ha miilu mya mbasi yabansoongo myo, mu kumusaambila.

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»

Nyabusulu ya Yowane 4:1

Ha mambisa haho, me nyamono mweelu wadzibulu ku mayulu. Mbeembu yatete yi nyayukiri, yaba dzoonso kuri me, bunu mvumvuri, yaleele ti: «Nwaata hamaha, me nyikusoongo mamo mayirima ha lumbisa.»

Nyabusulu ya Yowane 5:7

Mwaana kimeeme wayisa, na waholo mukaanda, ha kooko kwa lubakala kwa wunde waba wadzakala ha mboloko.