Mukaanda Yuda 1:3 - Musamu Wamubwete 2013

³ Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.

Mukaanda Yuda 1:3 ပူးပေါင်းရင်းမြစ်များ

Biyiriki bya Bantumu 17:3

Nde wabaangula na wasoongo ti: Kiristo waba wayelemene kumono mpasi, na kufuluka mu bafwa, na ti: "Yesu, wu nyiri mu kuluyaabisa me wunde ngo Kiristo."

Biyiriki bya Bantumu 18:28

Mukwongo, nde waba tungukilaa Bayudayo mu makwa, ha busu bwa baatu, na waba soongaa mu matinu ti Yesu ngo Kiristo.

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

Biyiriki bya Bantumu 28:28

Ngo diba dyayabakana kuri beenu ti, mvuukulu ya Nzaambi yi, yeki yaheeku, kuri bangooyi; bo se sa bayuka!» [

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

Biyiriki bya Bantumu 6:7

Maampu ma Nzaambi maba kwetsamikinana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu bisari bya mu Nzo-nzaambi yatumuma mu kanyi.

Biyiriki bya Bantumu 9:13

Ananya wabvutula ti: "Mfumu, baatu balaka badzoonsiri me mu muutu wu, nde wayirika mamabi malaka kuri bangisi baaku ku Yerusalemi.

Biyiriki bya Bantumu 9:22

Ngo Sawulo wabaka makwa ha yulu makwa, Na wasukuka Bayudayo baba dzakalaana ku Damasiko, mu kubasoongo ti Yesu ngo Kiristo.

1 Kol 15:3

Mukwongo, me nyalutubukiri hani tete, ma nyataamburi me se ti: Kiristo wafwa mu ntoono masumu ma beetu, bunu buri Matinu;

Mukaanda kuri bari Ngalatya 2:5

ngo kasi kuri bo, ti mu kilookolo kimosi, beetu twasii kubaheele nyutu ko, mpisi heki ngwanwa ya Musamu Wamubwete yisa kikuundi kuri beenu.

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Ngalatya 6:11

Monee, buri bunene bwa bisoni bi nyiri mu kutina mu kooko kwaami.

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Kolosayi 1:2

kuri bampaangi bangisi na bakwiikama mu Kiristo, bari ku Kolosayi, bweese na kiyeengi kuri beenu bifumunaa kuri Taayi dyeetu Nzaambi biba na beenu.

1 Tes 2:2

Bunu bu luyaari, beetu twamono mpasi na batubamisa ku Filipo, ngo Nzaambi yeetu watusyaamisa mu kuyikisa Musamu waandi Wamubwete kunsa nwaanusunu dzamakwa.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

1 Tim 6:12

Nwaana nwaanunu yayibwete ya kanyi, kwaata kidziingu kya mantaangu momanso ki bari bakuteelele mbila, na ki wuri wateele kimbaangi kyakibwete ha busu bwa bambaangi balaka.

2 Tim 1:13

Holo kifwaani mu maampu mangwanwa ma wuri wayuka kuri me, mu kanyi na ntiilu bya mu Kiristo Yesu.

Mukaanda kuri Tito 1:4

Hemese bweese na kiyeengi, bifumunaa kuri Nzaambi Taata, na kuri Kiristo Yesu Mubvuukisi weetu, biba kuri ye Tito, mwaana waami wangwanwa mu kanyi dya ntwaari.

Mukaanda kuri Bahebeleho 13:22

Bampaangi, me nyiluloombo ti kuundeenu maampu mamama ma nsyamusunu, bukuri mwaa-myantele me nyiri na myo mya kulutinina.

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

2 Pet 2:21

Mukwongo, bwaketi kubvulila bubwe kuri bo, mu kuhele kuyaaba nzila ya nsungumunu, ti na kuri bamanaa kuyiyaaba, bayekiri lutumu lwangisi, lu bari babatubukila.

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Mukaanda Yuda 1:17

Ngo kasi, beenu banduku ba mutima, baambukee mwooyo, mu maampu matekisiri kuleele bantumu, ba Mfumu yeetu Yesu Kiristo.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»