Mukaanda Yuda 1:24 - Musamu Wamubwete 2013

²⁴ Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Mukaanda Yuda 1:24 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 5:12

Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

Musamu wamubwete watina Luka 9:26

Mpisi wunde wuba na nsoni mu me, na mu Maampu maami, lo Mwaana muutu se sa kaba na nsoni mu nde, ha kakwiisa mu nkeembu yaandi, ya Taata na ya bambasi.

Mukaanda kuri bari Loma 14:4

Ye na wuri, mu kutsuundisa kisari kya ŋani? Kaba wateleme bunu pe wabwa, lo mitariri mfumu yaandi. Ngo sa kaba wateleme, bukuri Mfumu wuri na lutumu mu kumutelemese.

Mukaanda kuri bari Loma 8:31

Ngo nki tuleele mu mamo? Mbuti Nzaambi wuri na beetu, lo na wubwiisa beetu?

2 Kol 11:2

Mukwongo, me nyilusiila bukwa mu kiteesu kya bukwa bwa Nzaambi, bukuri me nyaluyakisa mu lulelusunu lwa makweele kuri bakala dimosi, bunu mwaa-ntuumba ya nswaasa yatsyeemeke ya kusoongo kuri Kiristo.

2 Kol 4:14

bu tuyaari kuri ti, wunde wafulukisi Mfumu Yesu, sa kafulukisa beetu se kintwaari na Yesu, na sa katusuusa ha kimosi na beenu bebele na nde.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Mukaanda kuri bari Efeso 3:20

Kuri wunde wakuka mu kuyirika, kwakinkulu, ha yulu momanso ma tuloombaa bunu pe ma tutsimaa, bunu buri mpinu dzikwesala mu beetu,

Mukaanda kuri bari Efeso 5:27

mpisi kamonokoso kuri nde-meene, dibuundu dyakeembusu, dyahele na mpita bunu pe mihonyi, bunu pe kitotolo kyafwanikina na bibyo, ngo kasi diba dyangisi na dyahele maseembu.

Mukaanda kuri bari Kolosayi 1:22

Kasi mu lumalu, Nzaambi wasa nyukusunu mu lufwa lwa mwaana waandi mu nyutu ya muswinyi, mpisi kalumonokoso bangisi, bahele mi babaseembele, na bahele na mi babafuundila, ha busu bwaandi.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

2 Tim 4:18

Mfumu sa kankuula mu momanso mamabi ma banyirikila, na sa kamvuukisa mu kunkotoso mu kimfumu kyaandi kya mayulu. Nkeembu yiba kuri nde mu bibvu ngo bibvu! Amene.

Mukaanda wa Yakobo 2:10

Bukuri wunde wukebaa mangisi momanso, ngo bwiiri mu ntoono mosi, lo bakimini mu momanso.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

2 Pet 1:10

Hango-nkuumbu, bampaangi, bvuleenu kusalila makwa mu kukumisa mbila yi bari baluteele, na nsoolulu yibari balusoolo, bukuri lubaana luyirika mamo, lo luri mbwiilulu mu mamabi ko.

Mukaanda Yuda 1:21

Beenu-meene kebee manyutu kunsa ntiilu ya Nzaambi, bu luri mu kwekiingila ngebe dza Mfumu yeetu Yesu Kiristo, mu kubaka kidziingu kyahele manunu.

Nyabusulu ya Yowane 14:5

Mu minwa mya bo, kwasii pala dya mpya ko; bahele na mi baba seembele.