Mukaanda Yuda 1:19 - Musamu Wamubwete 2013

¹⁹ Babo ngo bakwekotoso nkabunu, bakwedyaatila bunu bibulu, na bahele na Mpeeve.

Mukaanda Yuda 1:19 ပူးပေါင်းရင်းမြစ်များ

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

Mukaanda kuri Bahebeleho 10:25

Yaa tuyekelee dibuundu dyeetu ko, buri kifu kya babamosi, ngo tusyaamisineenu beetu na beetu, bu tuyaari kuri ti kiluumbu kikokisiri.

Mukaanda wa Yakobo 3:15

Madyeele ma bubwo, makoofumunaa ku yulu ko, ngo kasi ma nsi, ma kimuutu na ma mampeeve mamabi.