Mukaanda kuri Tito 3:3 - Musamu Wamubwete 2013

³ Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Mukaanda kuri Tito 3:3 ပူးပေါင်းရင်းမြစ်များ

Musamu wamubwete watina Matayi 21:29

Nde wabvutula, waleele ti: "Me nyahele kutya." Mwaa-mantaangu bu maluta, nde wayiinga kitsimi na wayende.

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Musamu wamubwete watina Yowane 8:34

Yesu wabvutula kuri bo ti: «Ngwanwa mu ngwanwa, me nyiluleele, mpisi wusa masumu, lo nde weki nkutu masumu.

Mukaanda kuri bari Loma 11:30

Mukwongo, mu ntaangu yayikulu, beenu lwasiiri nko kuri Nzaambi, ngo kasi mu lumalu, beenu balubakila ngebe, ha lumbisa lwa nko dza bo.

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 6:17

Matoondo kuri Nzaambi, bukuri beenu lwaba bankutu ba masumu, ngo kasi lumwaataambukila mu mutima ndemunso, kiteesu kya nyikusulu dzi bari baluha.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Kolosayi 1:21

Beenu se mu ntaangu yaluta, lwaba banzeense na bataatu mu bitsimi, mu ntoono biyiriki byabibi.

Mukaanda kuri bari Kolosayi 3:7

Beenu se mu ntaangu yayikulu, lwaba kwedyatilaana mu bifu bibyo, bu lwaba mwooyo mu byo.

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

2 Tim 3:6

Bamosi mu bo bakwekoto mu manzo, na mu masiinga ma bo, bakwebangusina bakyeetu bahele kukiinsuma, bari na kilemu kya masumu, na bakwenama mantiilu ma bitsuumbu-bitsuumbu;

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda wa Yakobo 1:26

Mbuti muutu wumono kuri ti nde munsaambiri, ngo wahele kubangisina kutwaalisa ludima lwaandi, na wukwewunukuna nde-meene, lo nsambukulu yaandi yiri ya mungengi.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 18:2

Yo yafula mu mbeembu yayinene, yaleele ti: «Dibwiiri, dibwiiri, Babiloni dyadinene, dikitukiri kikuundi kya mampeeve mamabi, kibeendu kya mampeeve momanso masumuka, banoni bobanso basumuka, bibulu byobinso byasumuka bi bari babele,