Mukaanda kuri Tito 1:4 - Musamu Wamubwete 2013

⁴ Hemese bweese na kiyeengi, bifumunaa kuri Nzaambi Taata, na kuri Kiristo Yesu Mubvuukisi weetu, biba kuri ye Tito, mwaana waami wangwanwa mu kanyi dya ntwaari.

Mukaanda kuri Tito 1:4 ပူးပေါင်းရင်းမြစ်များ

Musamu wamubwete watina Luka 2:11

Lolo dimadi, mu bvula dya Davidi, Mubvuukisi butukiri mu ntoono beenu. Nde ngo Kiristo Mfumu.

Musamu wamubwete watina Yowane 4:42

Bo baleele kuri wa mukyeetu ti: «Beetu twahele kusa kanyi mu mini mi leerirye ye, ngo beetu tusa kanyi bukuri beetu-meene tuyukiryee na tuyaari ti, ngwanwa nde ngo mubvuukisi nsi.»

Mukaanda kuri bari Loma 1:12

Mimyo mu kuri ti tubeenee basyaamusu ha kimosi, ha nyiba kuri beenu, mu kanyi dyantwaari kuri beenu na kuri me.

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

2 Kol 12:18

Me nyayingukiri Tito, na nyamuheekiri kuri beenu kintwaari na mpaangi mosi; buri Tito waludiiriri manene? Buri beetu na nde twasii dyaatila mu kitsimi kimosi ko? Bunu pe mu bitaambi bimosi ko?

2 Kol 2:13

ngo mpeeve me yaba yahele na kidzuunu, bukuri nyasii mono Tito mpaangi yaami ko, hango, me nsiisaana bari ku Torowasi, ha nyeki kweendaana ku Makedonya.

2 Kol 4:13

Bunu bu diri dyatinu: «Me nyasii kanyi, hango-nkuumbu nyadzoonsiri.» Beetu se, mu mpeeve yo yimosi ya kanyi, twasa kanyi, hango-nkuumbu turi mu kudzoonso,

2 Kol 7:6

Ngo Nzaambi wuboondaana bakuluka, watuboondiri mu nyisulu Tito,

2 Kol 8:16

Matoondo kuri Nzaambi, wasa mu mutima Tito, kuheme kwokumosi na ku turi na beetu mu beenu.

2 Kol 8:23

Ti hayuku mu ntoono Tito wu turi kintwaari, mbaasi yaami ya kisalu ku luri beenu; ti hayuku bampaangi beetu, bantumu ba mabuundu, bobanso bakwesala mu nkeembu ya Kiristo.

2 Kol 8:6

Hango-nkuumbu, beetu twasyaamisini Tito, mpisi kamana kisalu kya lubakusu kikyo, ki kamwaabaandika kuri beenu.

Mukaanda kuri bari Ngalatya 2:3

Tito, Muhelene waba na me, basii kumukwiikisa kuteende bubakala ko.

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Efeso 1:2

bweese na kiyeengi bifumunaa kuri Nzaambi, Taayi dyeetu na kuri Mfumu Yesu Kiristo biba na beenu.

Mukaanda kuri bari Kolosayi 1:2

kuri bampaangi bangisi na bakwiikama mu Kiristo, bari ku Kolosayi, bweese na kiyeengi kuri beenu bifumunaa kuri Taayi dyeetu Nzaambi biba na beenu.

1 Tim 1:12

Me nyibvutula matoondo kuri wunde wampa makwa, Yesu Kiristo, Mfumu yeetu, bukuri nde wamwiini ti me nyayelemene mu kunsuusa mu kisalu.

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,

2 Tim 1:2

kuri Timoteho, mwaana wa mutima: bweese, ngebe na kiyeengi bifumunaana kuri Taata Nzaambi, na kuri Mfumu yeetu Kiristo Yesu biba na ye.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

Mukaanda kuri Tito 1:3

Nde wamonokoso maampu maandi, mu ntaangu yikatsimini nde-meene, mu nyaabusulu yibari batiisila me, bunu buri lutumu lwa Nzaambi, mubvuukisi weetu.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

2 Pet 2:20

Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

2 Pet 3:2

na lubaambuka mwooyo mu maampu matekisiri kuyaabisa babikiri bangisi, na mu lutumu lwa bantumu beenu, lwa Mfumu na Mubvuukisi.

1 Yow 5:14

Dzimadzi ngo nsiitu dzi turi na dzo mu nde, mbuti tumuloombiri kitotolo, bunu buri kutya kwaandi, lo nde wutuywiilaana.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.