Mukaanda kuri bari Loma 9:3 - Musamu Wamubwete 2013

³ Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

Mukaanda kuri bari Loma 9:3 ပူးပေါင်းရင်းမြစ်များ

Biyiriki bya Bantumu 13:26

Bampaangi baami, baala ba kitsuubu kya Abalaami, na babo bari ha kakati dya beenu babvumunaa Nzaambi, kuri beetu bari baheeke maampu ma mvuukulu.

Biyiriki bya Bantumu 22:5

Mukuutu bangaanga-nzaambi, na kikuutu kyokinso, kya bakulu ba babakala lo bateeri kimbaangi. Me kuri bo nyataamburi mikaanda mu ntoono bampaangi bari ku Damasiko, na me nyayende kukwo, mu kwebakaanga na kubatwaala ku Yerusalemi mpisi baba seembe.

Biyiriki bya Bantumu 28:21

Bo bamuleele ti: «Mu mitariri ye, beetu twahele kutaambula mukaanda ti mosi, wafumuni ku Yudaya; kwahele se ti mosi mu bampaangi bayisiri kumaku, watuyaabisa bunu pe wadzoonso mamabi mu ye.

Mukaanda kuri bari Loma 1:3

mu mitariri Mwaana waandi, wabutukila mu kaanda dya Davidi mu muswinyi,

Mukaanda kuri bari Loma 11:1

Hango me nyifuula ti: buri Nzaambi wayekele baatu baandi? Ti bele na dyo pe! Mukwongo, me Mu-isaheli, nyapalila mu Abalaami, mu mwooyo wa Benyamini.

Mukaanda kuri bari Loma 11:14

mbuti heki mu bubwo, lo me nsii kuri ti, baturi mu kaanda dya muswinyi basa bukwa, na me mvuukisa babamosi mu bo.

Mukaanda kuri bari Loma 16:11

Heenee mboto kuri Erodyono, kaanda dyaami. Heenee mboto kuri baatu ba Narkiso bari mu Mfumu.

Mukaanda kuri bari Loma 16:21

Timoteho, mbaasi yaami ya kisalu, wuluheekiri mboto; Lukyo, Yasoni na Sosipatoro bari kaanda dyaami se, baluheekiri mboto.

Mukaanda kuri bari Loma 16:7

Heenee mboto kuri Anderoniko bo na Yunya, bo bari kaanda dyaami, na bambaasi baami ba mu boroko, baatu ba mvuumfu ha kakati dya bantumu, bo batekisiri kuba mu Kiristo ti na me.

Mukaanda kuri bari Loma 9:2

ti me nyiri na ngebe dzalaka, na nyiri mu kwebama kunsa mutima waami mpisi ntaangu.

1 Kol 12:3

Hango-nkuumbu, me ntii kuluyaabisa ti, kuri muutu ko mu Mpeeve ya Nzaambi wuleele ti: «Yesu kabwilikila mpopi!», na kuri muutu ko wutsiitsa kuleele ti: «Yesu Mfumu!», mbuti Mpeeve Yangisi yahele kumutwaalisa.

1 Kol 16:22

Mbuti kuri wuri katii Mfumu ko, lo kabwilikila mpopi! Marana ta!

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

Mukaanda kuri bari Ngalatya 1:8

Ngo ti hayuku beetu, bunu pe mbasi ya ku mayulu wuluyaabisiri Musamu Wamubwete wasoboko na wunde wu turi twaluyikisa, lo kabwilikila mpopi!

Mukaanda kuri bari Ngalatya 1:9

Bunu bu twaleele, na mu lumalu nyibweese kuleele ti: mbuti muutu wuluyaabisa Musamu Wamubwete wasoboko na wunde wu luri lwataambula, lo kabwiilikila mpopi!

Mukaanda kuri bari Ngalatya 3:10

Bobanso bari mwooyo mu biyiriki bya Mangisi, bari kunsa mpopi; bukuri dyatinu ti: «Mpisi wunde wahele kukwiikama, mu kukukisa momanso matinu mu mukaanda Mangisi, lo kaba kunsa mpopi.»

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Efeso 6:5

Bankutu, tumumeenu kuri bamfumu beenu ba muswinyi, mu kibvumi na mu ntekutulu, kunsa nkulukulu mutima, bunu ti kuri Kiristo.