Mukaanda kuri bari Loma 9:22 - Musamu Wamubwete 2013

²² Ngo Nzaambi watiiri kusoongo nkesi dzaandi, na kuyaabisa mpinu dzaandi, wakiindisa mutima mu nkindusulu yayinene mu bisa bya nkesi, bi bari bayirika mu ntoono ya mfukusulu.

Mukaanda kuri bari Loma 9:22 ပူးပေါင်းရင်းမြစ်များ

Mukaanda kuri bari Loma 1:18

Mukwongo, kunu kinsongi-yulu, nkesi dza Nzaambi dzimonokinaa mu baatu bahele na kinzaambi, na bari na bubayi, basweekaa ngwanwa kunsa bubayi,

Mukaanda kuri bari Loma 9:17

Mukwongo, Matinu maleele kuri Falaho: «Mu didyo me nyatelemisi ye, mpisi heki mu ye, me nsoongo mpinu dzaami, na mpisi heki badzoonsolo nkuumbu yaami mu nsi yansiina.»

Mukaanda kuri bari Loma 9:20

Heki ye muutu na wuri mu kukaalisa mbeembu kuri Nzaambi? Buri kisa lo kileeriri kuri mubuumbi ti: «Buri wuri wanyirikila bumabu?»

Mukaanda kuri bari Loma 9:21

Buri mubuumbi wahele na lutumu, mu kuyirika mu tubuumbu twotumosi, kisa kya lukiinsu, na kisa kyahele kuba kya lukiinsu?

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

2 Tim 2:20

Munsa nzo yayinene, kari dzini nkoombo dza woolo na dza palata dzikoobaanaa ko, ngo kubaanaa se dza miti, na dza tubuumbu. Dzamosi badzisalilaa mu lukiinsu, ngo dzakaka badzisalilaa kwahele lukiinsu.

1 Pet 2:8

Na dyeki: «Tari dya mbumukunu makya, na dya mbwiilulu makubu.» Bo bari mu kubuminaa makya mu dyo, bukuri bahele kusa kanyi mu maampu, na mu bubwo bari babataasila.

1 Pet 3:20

byabisiri kusa kanyi mu ntaangu yayikulu, yaba namitinaa nkindusulu-mutima ya Nzaambi, mu biluumbu bya Nowa, bi kaba kwetuunga nzo ya kiluungu, munsa yo baatu bantele, miheebulu mpoomo myabvuukiri mu maampa.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

2 Pet 3:15

Holuleenu nkindusulu-mutima ya Mfumu yeetu, bunu mvuukulu yeenu. Bunubwo se, mpaangi yeetu ya mutima, Pawulo, kari kalutinina, bunu buri madyeele ma bari bamuha.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.