Mukaanda kuri bari Loma 8:39 - Musamu Wamubwete 2013

³⁹ kudzaangama, musundu, ti hayuku kiyiriki kikimi ka kitsiitsa kuhaambula beetu ko, na ntiilu ya Nzaambi, yiri mu Kiristo Yesu, Mfumu yeetu.

Mukaanda kuri bari Loma 8:39 ပူးပေါင်းရင်းမြစ်များ

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Musamu wamubwete watina Yowane 16:27

mukwongo nde-meene Taata wulutiiri, bukuri beenu lutiiri me, na luri na kanyi ti me nyapalila mu Nzaambi.

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

Mukaanda kuri bari Loma 11:33

Busina, madyeele na nyaabulu ya Nzaambi biri na musundu; nsundusulu dzaandi dziri na bwa kufyongokono ko, na manzila maandi mari na bwa kukotolo ko.

Mukaanda kuri bari Loma 5:8

Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 8:35

Na wutuhaambila na ntiilu ya Kiristo? Buri manyoongi, kinkuukulu, nkwamusunu, nzala, mpene, nsisi, bunu pe mbeesi yayila?

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

2 Kol 2:11

mpisi heki tuhele kubwa mu mawunu ma Satana, bukuri bitsimi bya nde tubiyaari.

Mukaanda kuri bari Efeso 1:4

Mu nde, Nzaambi watusoolo, tekesele nyirikulu nsi, mu kuba bangisi na bahele na mi babaseembele, ha busu bwaandi kunsa ntiilu.

Mukaanda kuri bari Filipo 3:12

Pele, me nyahele kuleele ti mwaabakila bunu pe mwaatubuka ha ndilu, ngo nyiri mu kudzumuna mu nsiitu ya kwekwaata, bukuri me se Kiristo Yesu wayeki wankwaata.

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

Mukaanda kuri bari Filipo 3:8

Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,

2 Tes 2:4

Wunde wutelemese kitaatu, na wudzaangama ha busu bwa mpisi ki baleeriri ti Nzaambi bunu pe ki basaambilaana, natee mu kiteesu kya kudzakala mu nzo Nzaambi, na kuleele nde-meene ti nde ngo Nzaambi.

1 Yow 4:16

Beetu twayaaba, na twasa kanyi mu ntiilu yiri na Nzaambi mu beetu. Nzaambi ngo ntiilu; mpisi wunde wasa kikuundi mu ntiilu, lo wasa kikuundi mu Nzaambi, na Nzaambi wasa kikuundi mu nde.

1 Yow 4:19

Beetu tutyaanaa, bukuri nde watete watutiiri.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:14

Mu ntoono bimaangu bi bamuheeri miswa mu kuyirika, ha busu bwa kibulu, kyo kikwedziimbisa babo badzakala ha butoto, na kikweleele kuri badzakala ha butoto ti bayirika kiteki, mu kifwaani kya kibulu ki baleti boko mu mbeesi yayila, ngo kiri mwooyo.

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.

Nyabusulu ya Yowane 2:24

«Me nyileele kuri beenu na kuri bakaka bari ku Tyatira, kuri bobanso bahele na nyikusulu dzi, babo bahele kuyaaba "musundu Satana", bunu bu bakweleele; me nyahele kutuba ha yulu beenu kinati kikimi;

Nyabusulu ya Yowane 20:3

Mbasi yamutuba ku lubila, yakaanga na yasa kinyemu, mpisi heki maŋataŋo kahele kubweese kwewumuna makaanda, natee kukuka fuunda dya mibvu. Ha mambisa haho, bayelemini kumupatula mu mwaa-ntaangu yantele.

Nyabusulu ya Yowane 20:7

Fuunda dya mibvu dikukaana, Satana sa bamupalisa mu boroko dyaandi,