Mukaanda kuri bari Loma 8:37 - Musamu Wamubwete 2013

³⁷ Kasi mu momanso mamo, beetu tubvuriri kuba baluuluka mu wunde watutya.

Mukaanda kuri bari Loma 8:37 ပူးပေါင်းရင်းမြစ်များ

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Mukaanda kuri bari Loma 8:35

Na wutuhaambila na ntiilu ya Kiristo? Buri manyoongi, kinkuukulu, nkwamusunu, nzala, mpene, nsisi, bunu pe mbeesi yayila?

1 Kol 15:54

Mbasi-tsuku nyutu yibolaa yimayi, yilwaataana kiteesu kyahele mbolulu, na nyutu yifwanaana yimayi, yilwaataana kiteesu kyahele mfwiilu, haho ngo hayirima maampu matina ti: «Lufwa balumingutini kunsa ndulukulu!»

1 Kol 15:57

Matoondo kuri Nzaambi, nde kootuhaanaa ndulukulu mu Mfumu yeetu Yesu Kiristo.

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

2 Kol 12:9

Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

1 Yow 4:19

Beetu tutyaanaa, bukuri nde watete watutiiri.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 21:7

Wunde wuluuluka sa kataambula saala dimadi, me sa mba Nzaambi yaandi, na nde sa kaba mwaana waami.

Nyabusulu ya Yowane 3:9

Mono ma nyiyirika me kuri bari mu nzo lukutukunu ya Satana, bakweleele ti bo Bayudayo, kasi bari Bayudayo ko, bukuri bari bangaa-mpya. Me tsa sa kuri ti bo biisa na batsukumina hari miilu mya ye, na kuyaaba ti me nyakutya.