Mukaanda kuri bari Loma 8:36 - Musamu Wamubwete 2013

³⁶ Bunu bu diri dyatinu: «Mu ntoono ye, beetu turi ha busu bwa lufwa mpisi kiluumbu. Beetu bayeki batuhololo bunu bimeeme, bi bari mu kunata ku nzo yi bapaakulaa bibulu.»

Mukaanda kuri bari Loma 8:36 ပူးပေါင်းရင်းမြစ်များ

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 8:32

Maampu ma kaba kwetaanga maba mamama: "Nde waba bunu kimeeme ki bari mu kunata ku kudzusa, na bunu mwaana kimeeme wahele na mbeembu, ha busu bwa wuri mu kumutebe myoosi. Nde wahele kudzibula munwa waandi.

1 Kol 15:30

Na beetu-meene se, mu nkya ntoono tukookotaa mu nsisi mpisi ntaangu?

1 Kol 15:31

Mpisi kiluumbu me nyiri muutu wafwa; mu didyo, bampaangi, me nyisiingisa kimweese kyaami mu beenu, kikyo ki nyiri na kyo mu Kiristo Yesu Mfumu Yeetu.

1 Kol 4:9

Mukwongo, me bu nyimono, lo bunu ti Nzaambi wamonokoso beetuneenu bantumu bunu ti baatu bampotulu, bunu babari bakesele mukanu wa lufwa, bukuri twayeki bunu baatu babari mu kuseyesele ha busu bwa nsi, ha busu bwa bambasi, na ha busu bwa baatu.

2 Kol 1:9

Kasi beetu mu beetu-meene, twataamburi mukanu wa lufwa, mpisi heki tuhele kusiila nsiitu mu beetu-meene, ngo mu Nzaambi wufulukisaa bafwa.

2 Kol 11:23

Bisari bya Kiristo bari? Me nzoonsulu bunu kilawuku, mu kuleele ti me mvuriri na bo; mu bisalu bya makwa, me mvuriri na bo; mu maboroko, me mvuriri na bo; mu nkuba kubwilikila, me mvuriri na bo; na me mvuriri kuba mu nsisi dza lufwa mu ntaangu ngo ntaangu.

2 Kol 6:9

bunu ba bahele kuyaaba koomosoko twayaabakana kwalaka; bunu beki mu kufwa koomosoko turi mwooyo, bunu ba bari mu kulata ngo bahele kubadzusa;

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,