Mukaanda kuri bari Loma 8:30 - Musamu Wamubwete 2013

³⁰ Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

Mukaanda kuri bari Loma 8:30 ပူးပေါင်းရင်းမြစ်များ

Musamu wamubwete watina Yowane 17:22

Me nyabaha nkeembu yi waheeri kuri me, mpisi baba mosi, bunu bu turi beetu na ye mosi,

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Mukaanda kuri bari Loma 1:6

munsa mo beenu se luri baatu, bataambula mbila Yesu Kiristo.

Mukaanda kuri bari Loma 11:29

bukuri bikabu na mbila Nzaambi bayisila ko.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 8:21

yiri ti, nsi yo-meene se, sa yaba yakuuluka mu bunkutu bwa mbiiyulu, mu kutaambula bunsaalisi bwa nkeembu ya baala ba Nzaambi.

Mukaanda kuri bari Loma 8:28

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

1 Kol 1:9

Nzaambi wakwiikama, nde waluteele mbila mu kuba kintwaari na mwaana waandi Yesu Kiristo, Mfumu yeetu.

1 Kol 2:7

ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Mukaanda kuri bari Ngalatya 1:15

Ngo [Nzaambi], wansoolo kuholosono mu mwooyo nguri yaami, wanteele mbila mu bweese bwaandi, bu kamono dyo ti dyadibwete,

Mukaanda kuri bari Ngalatya 1:6

Me nyimono dyo dya nkimukunu, ti mu mawasu-mawasu, beenu lutekele mbisa, kuri wunde waluteele mbila mu bweese [bwa Kiristo], mu ntoono Musamu mukimi Wamubwete.

Mukaanda kuri bari Ngalatya 5:8

Muyooyolo wunde, wahele kunaangukina kuri wunde waluteele mbila.

Mukaanda kuri bari Efeso 1:11

Mu nde, beetu twataambula saala mu nteelulu wari, batekesele kutusoolo, bunu buri bitaasi bya wunde wuyirikaana momanso, bunu buri kutya kwaandi,

Mukaanda kuri bari Efeso 1:5

Nzaambi watutaasiri mu kuba baala baandi ba kubuukisa mu Yesu Kiristo, bunu buri bweese bwa ntiilu yaandi,

Mukaanda kuri bari Efeso 2:6

Mu Kiristo Yesu, Nzaambi watufulukisa ha kimosi na nde, na watudzakisa ha kimosi na nde kunu kinsongi-yulu,

Mukaanda kuri bari Efeso 3:11

bunu buri bitaasi bya mpisi mibvu, bikari kayirika mu Kiristo Yesu, Mfumu yeetu.

Mukaanda kuri bari Efeso 4:4

Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

2 Tim 2:11

Maampu mamama mayelemene mu kusiila kanyi: «Mbuti tufwiiri kintwaari na nde, lo sa twaba mwooyo kintwaari na nde se;

Mukaanda kuri Bahebeleho 9:15

Mu didyo, nde kari munkabu-kati wa lulelusunu lwamoono, mpisi heki lufwa lwaandi, bu lwayisa mu kukuula baatu mu lumvuki lu basiiri, mu lulelusunu lwatete, babo bayuka mbila, bataambula Saala dya mantaangu momanso, di bari babasiila.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

2 Pet 1:10

Hango-nkuumbu, bampaangi, bvuleenu kusalila makwa mu kukumisa mbila yi bari baluteele, na nsoolulu yibari balusoolo, bukuri lubaana luyirika mamo, lo luri mbwiilulu mu mamabi ko.

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 19:9

Mbasi yaleele kuri me ti: «Tina: Kiminu kiri na babo ba bari bateele mbila, mu kudya byandya bya makweele ma Mwaana kimeeme.» Yabweese kuleele kuri me ti: «Mamo ngo Maampu ma Nzaambi mangwanwa.»