Mukaanda kuri bari Loma 8:3 - Musamu Wamubwete 2013

³ Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

Mukaanda kuri bari Loma 8:3 ပူးပေါင်းရင်းမြစ်များ

Musamu wamubwete watina Malako 15:27

Kintwaari na Yesu bakomini se bangaa-bumfuna boolo, mosi ku lubakala, mosi ku lumoso. [

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 9:24

Bafarisi bateele lwadzoolo muutu waba wafwa miisu, na bamuleele ti: «Leele ngwanwa ha busu bwa Nzaambi. Beetu ngo bari tuyaari ti muutu wunde ngaa-masumu kari.»

Biyiriki bya Bantumu 13:39

Mu nde, mpisi musi kanyi lo sa kaba walulukusu.

Mukaanda kuri bari Loma 3:20

Hango-nkuumbu, kuri muutu ko wuba walulukusu mu biyiriki bya mangisi, bukuri mangisi yini nyaabulu masumu makoohaanaa.

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri bari Loma 7:18

Me nyaari ti mamabwe mahele mu me, bu ntiiri kuleele ti, mu muswinyi waami. Nzala kuyirika mamabwe yiri mu me, kasi nyahele kubangisina kumayirika.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Mukaanda kuri bari Loma 9:3

Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Ngalatya 3:21

Buri Mangisi mari kitaatu na nsiilulu [dza Nzaambi]? Pele, kuri ti bele ko! Mukwongo, mbuti kuri ngisi yi baheeri yakuka mu kuha kidziingu, lo ngwanwa nsungumunu yikwiisikilaa mu Mangisi.

Mukaanda kuri bari Filipo 2:7

Ngo nde-meene wasokomono nyutu yaandi, waholo kinzeri kya nkutu, mu kufwanikina na baatu, na mu nzelu yaandi wamonoko bunu muutu.

Mukaanda kuri Bahebeleho 10:12

Ngo kasi, nde bu kaheeri kikabu kya kudzusa mu ntoono masumu, wadzakala ha lubakala lwa Nzaambi kwakinkulu.

Mukaanda kuri Bahebeleho 10:14

Mukwongo, mu kikabu kyokimosi, nde kari kanata ku nyirimunu yakuka kwakinkulu, babo ba kari kaha bungisi.

Mukaanda kuri Bahebeleho 2:14

Ngo bukuri baala babo bari na nyutu ya muswinyi na makila, na nde se wabaka nyutu ya bubwo, mpisi heki mu lufwa lwaandi, nde kamana makwa ma wunde waba na lutumu mu lufwa, ngo dyabulu,

Mukaanda kuri Bahebeleho 2:17

Mu didyo, nde kaba kafwanikina na bampaangi baandi mu myominso, mpisi kaba mukuutu bangaanga-nzaambi, ngaa-ngebe na wakwiikama mu kisalu kya Nzaambi, mu kufuta masumu ma baatu.

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

1 Pet 2:24

Mu nyutu yaandi, nde wanata masumu meetu ha yulu muti, mpisi heki bu tufwiiri mu masumu, tuba mwooyo mu ntoono nsungumunu. Mu biwa byaandi beenu luri lwatsinukusu.