Mukaanda kuri bari Loma 8:26 - Musamu Wamubwete 2013

²⁶ Bunubwo se, Mpeeve yikwiisaana mu kutubakisa mu bubolo bweetu, bukuri twahele kuyaaba kusaambila bunu buyelemini. Kasi Mpeeve nde-meene, wutunwanikinaa mu lusaambulu mu nkuumunu, yahele na bwa kubangukila.

Mukaanda kuri bari Loma 8:26 ပူးပေါင်းရင်းမြစ်များ

Musamu wamubwete watina Matayi 10:20

Mukwongo, kari beenu ludzoonso ko; ngo Mpeeve ya Taayi dyeenu yidzoonso mu beenu.

Musamu wamubwete watina Matayi 20:22

Yesu wabvutula, waleele ti: «Beenu lwahele kuyaaba ma luri mu kuloombo. Buri beenu lo lubangusini kunwa mbasa yiyo, yi nyelemini kunwa me?» Babo babvutula: «Beetu lo tubangisini.»

Musamu wamubwete watina Luka 22:44

Wabwilikila kinkuuka na wasyaama mu kusaambila; tukutu twaandi twaba tweki bunu mabete ma makila, mari mu kubwa ha nsi.]

Musamu wamubwete watina Yowane 14:16

na me sa nyingukila Taata, mu kuluha muboondi wakaka, mpisi heki kaba na beenu kwakinkulu.

Mukaanda kuri bari Loma 15:1

Beetuneenu turi na makwa, tuyelemini kukuunda bubolo bwa babo bahele na makwa, na kuhele kweyirika mabweeye kuni kuri beetu-meene.

Mukaanda kuri bari Loma 7:24

Kyaari kuri me! Nani wukuula me mu nyutu yimayi ya lufwa?

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

2 Kol 5:2

Mu didyo beetu tukwekuuma, na turi na musoongo walaka mu kulwaata nzo yeetu ya ku yulu,

2 Kol 5:4

Mukwongo, bu turi munsa musaampu wumawu, tukwekuuma kunsa kilemu, bukuri twahele kutya kusyonono kinkuta, ngo tutiiri kulwaata kikimi ha yulu, mpisi heki bikoofwa biba byadyaama kunsa bumwooyo.

Mukaanda kuri bari Ngalatya 4:6

Ngo bukuri beenu luri baala, Nzaambi waheeke Mpeeve ya Mwaana waandi, munsa mitima myeetu, yiri mu kubikisa ti: «Aba, ho Taata!»

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

Mukaanda kuri Bahebeleho 5:2

Nde wakuka mu kuba na nyukulu, mu bari kunsa lubu na mu badziimbila, bukuri nde-meene se wuri kunsa buyonsi.

Mukaanda wa Yakobo 4:3

Beenu lukweloombo na lwahele kutaambula, bukuri luloombaa kwakubi, mu nzala kuyukutisa mantiilu meenu.