Mukaanda kuri bari Loma 8:24 - Musamu Wamubwete 2013

²⁴ Mukwongo, mu nsiitu beetu turi twabvuukusu; ngo nsiitu dzibaanaa dzamonokono lo dzisiiri nsiitu ko; mukwongo, na wuri lo siiri nsiitu mu bi kamono?

Mukaanda kuri bari Loma 8:24 ပူးပေါင်းရင်းမြစ်များ

Mukaanda kuri bari Loma 12:12

Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Mukaanda kuri bari Loma 4:18

Nde wasii kanyi, bu kasiiriri nsiitu mu mimyo myahele na bwa kusiila nsiitu, mpisi kaba «taayi dya makaanda malaka», bunu bu diri dyaleelu ti: «Bapalila mu ye sa baba balaka.»

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Loma 8:20

Bukuri, nsi yoyinso yayeki kunsa lutumu lwa mimyo myahele mufunu, kari mu ntiilu ya yo-meene ko, ngo mu ntoono wunde wayituma, mu nsiitu

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

2 Kol 4:18

Beetu twahele kutala bitotolo bibyo byamonoko, ngo bibyo byahele kumonoko; bukuri bibyo byamonoko byahele kudziingula, ngo kasi bibyo byahele kumonoko, bidziingulaa kwakinkulu.

2 Kol 5:7

bukuri beetu mu kanyi turi mu kwedyaatila, nkani ka mu mwiinunu ko.

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

1 Tes 5:8

Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri Tito 3:7

mpisi heki mu bweese bwaandi, tuba twalulukusu, na tuba bakondiri ba saala, bunu buri nsiitu dza kidziingu kya bibvu ngo bibvu.

Mukaanda kuri Bahebeleho 11:1

Kanyi ngo nsiitu mu bitotolo bi bakookiingaa, bitotolo bya nsiitu, nkangumunu yangwanwa mu bitotolo bi bahele kumono.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 1:3

Nzaambi, Taayi dya Mfumu yeetu Yesu Kiristo kaba wasakumunu! Nde wuri, bunu buri bunene bwa ngebe dzaandi, watubuta mu mbutukulu yamoono, mu nsiitu dzamwooyo, mu mfulukulu ya Yesu Kiristo mu bafwa,

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.