Mukaanda kuri bari Loma 8:19 - Musamu Wamubwete 2013

¹⁹ Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

Mukaanda kuri bari Loma 8:19 ပူးပေါင်းရင်းမြစ်များ

Musamu wamubwete watina Matayi 5:9

Kiminu kuri basalila kiyeengi, bukuri sa babateele ti baala ba Nzaambi!

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

Mukaanda kuri bari Loma 8:14

Mukwongo, bobanso batwaalusu mu Mpeeve Nzaambi, babo ngo baala ba Nzaambi.

Mukaanda kuri bari Loma 8:16

Mpeeve yo-meene, yita kimbaangi kuri kiluunsi kyeetu, ti beetu turi baala ba Nzaambi.

Mukaanda kuri bari Loma 8:18

Me nyitsima ti, mpasi dza lumalu dzahele kuyelemene, na nkeembu mbasi-tsuku wuba wayabakana kuri beetu.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

Mukaanda kuri bari Loma 9:26

na ha kibeendu ki baba baleele kuri bo ti: "Beenu luri kaanda dya me ko", haho sa babateele baala ba Nzaambi ya mwooyo.»

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

1 Kol 1:8

Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

2 Kol 6:18

Me sa mba Taayi kuri beenu, na beenu sa lwaba baala ba babakala, na ba bakyeetu kuri me, Mfumu Ngaa-mpinu wuleele.»

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Filipo 1:20

Bunu buri ma nyiri mu kwekiinga, na ma nyiri nyasiila nsiitu, me ka nyiba na nsoni mu ntoono ti mosi ko. Ngo kasi mu nsiitu dzodzinso, bunu mu mpisi ntaangu na mu lumalu, Kiristo sa kaba wakeembese mu nyutu yaami, mu kidziingu kyaami bunu pe mu lufwa lwaami.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

Mukaanda kuri Bahebeleho 12:27

Ntoono yiri ti: «Nde wubweese kuteembese lukimi», yisoongo kuri ti, bitotolo bi bayirikiri sa byanyingina na kukituka, mpisi heki bibyo biri byanyingina ko binamitina kuba.

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

1 Yow 3:1

Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Nyabusulu ya Yowane 21:7

Wunde wuluuluka sa kataambula saala dimadi, me sa mba Nzaambi yaandi, na nde sa kaba mwaana waami.