Mukaanda kuri bari Loma 8:1 - Musamu Wamubwete 2013

¹ Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

Mukaanda kuri bari Loma 8:1 ပူးပေါင်းရင်းမြစ်များ

Musamu wamubwete watina Yowane 14:20

Mu kiluumbu kikyo, beenu sa lwabakula ti me nyiri mu Taayi dyaami, na beenu, mu me, na me, mu beenu.»

Musamu wamubwete watina Yowane 15:4

Namitinee kuba mu me, na me mu beenu. Bunu buri kimpaala, lo kyahele kubangusina kubuta bimbutu mu kyomeene, mbuti kyahele namitina kuba mu mudzi bviinya; bwobumosi kuri beenu, luri natina bimbutu ko, mbuti lwahele kusa kikuundi mu me.

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Mukaanda kuri bari Loma 16:3

Heenee mboto kuri Piriska na kuri Akila, bambaasi baami ba kisalu mu Kiristo Yesu,

Mukaanda kuri bari Loma 16:7

Heenee mboto kuri Anderoniko bo na Yunya, bo bari kaanda dyaami, na bambaasi baami ba mu boroko, baatu ba mvuumfu ha kakati dya bantumu, bo batekisiri kuba mu Kiristo ti na me.

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

Mukaanda kuri bari Loma 5:16

Ngo kikabu kyahele kuba, bunu buri kiteesu kya muutu mosi wayirika masumu. Mukwongo, nkesulu mukanu yayisa mu mutsuundu wa muutu mosi; ngo kasi ndulukulu yayisa mu kikabu, ha mambisa ma lumvuki lwalaka.

Mukaanda kuri bari Loma 7:17

Ngo mu lumalu, kari me nyibweese kuyirika mamo ko, kasi masumu mari mu me.

Mukaanda kuri bari Loma 7:20

Mbuti mamo mari ntii ko, ngo ma nyiyirika, lo kari me nyibweese kumayirika ko, kasi masumu mari mu me.

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

Mukaanda kuri bari Loma 8:14

Mukwongo, bobanso batwaalusu mu Mpeeve Nzaambi, babo ngo baala ba Nzaambi.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Mukaanda kuri bari Loma 8:39

kudzaangama, musundu, ti hayuku kiyiriki kikimi ka kitsiitsa kuhaambula beetu ko, na ntiilu ya Nzaambi, yiri mu Kiristo Yesu, Mfumu yeetu.

Mukaanda kuri bari Loma 8:4

mpisi heki nsungumunu mu mangisi, yiba yakukusu mu beetu, turi mu kwedyaatila mu Mpeeve nkani ka mu muswinyi ko.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 15:22

Mukwongo, bunu bu fwiilaa baatu bobanso mu Adami, bunubwo se, bobanso sa baba bamwooyo mu Kiristo;

2 Kol 12:2

Me nyaari muutu mosi mu Kiristo wuri, mibvu kuumi na mina mimwaaluta, kari mu nyutu yaandi, kari kwahele nyutu yaandi me nyaari ko, ngo Nzaambi yaari, muutu wunde bamunaakisa natee ku yulu dya matatu.

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Ngalatya 3:28

Kwa saala Muyudayo ko, Muhelene ko, nkutu ko, muutu wuri na bunsaalisi ko, kwahele bakala, kwahele mukyeetu, bukuri beenu-banso luri mosi mu Kiristo Yesu.

Mukaanda kuri bari Ngalatya 5:16

Ngo kasi me nyiluleele ti: dyaatileenu mu Mpeeve, na luba ti bele na dyo pe, mu kuyukutisa nyiimunu dza muswinyi.

Mukaanda kuri bari Ngalatya 5:25

Mbuti turi mwooyo mu Mpeeve, lo tudyaatilee se mu Mpeeve.

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Filipo 3:9

na bamwiinina me mu nde, kuri nyahele na nsungumunu ya me-meene, yiri kubakila kari mu mangisi ko, ngo yiri kubakila mu kanyi mu Kiristo, yifumunaa kuri Nzaambi, yatuunguma ha yulu kanyi.