Mukaanda kuri bari Loma 7:23 - Musamu Wamubwete 2013

²³ Ngo me nyimono kiteesu kikimi mu binamu byaami, kiri mu kunwaanisa ngisi ya nyukulu yaami, na kukotoso me boroko dya ngisi ya masumu, yiri kunsa binamu bya me.

Mukaanda kuri bari Loma 7:23 ပူးပေါင်းရင်းမြစ်များ

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

Mukaanda kuri bari Loma 6:19

Mu kimuutu me nyiri mu kudzoonsolo, mu ntoono ya muswinyi wahele na makwa. Bunu bu lwasariri binamu byeenu bunu bankutu kuri nsumukunu na kuri bubi, mu ntoono mamabi, bunubwo se mu lumalu, salileenu binamu byeenu bunu bankutu kuri nsungumunu, mu ntoono bungisi.

Mukaanda kuri bari Loma 7:14

Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

Mukaanda kuri bari Loma 7:21

Me nyimono kiteesu kimaki: ha ntiiri kuyirika mamabwe, kumonokono mamabi.

Mukaanda kuri bari Loma 7:25

Matoondo kuri Nzaambi, mu Yesu Kiristo Mfumu yeetu! Hango-nkuumbu, mu nyukulu ya me-meene me nyiri nkutu ya mangisi ma Nzaambi, ngo mu muswinyi, nyiri nkutu ya mangisi ma masumu.

Mukaanda kuri bari Loma 7:5

Mukwongo, mu ntaangu yi twaba twakiri kwedyaatila mu kimuutu, mantiilu ma masumu mu nzila ya mangisi, maba kwesalaana mu binamu byeetu, mu kubuta bimbutu binata ku lufwa.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Mukaanda kuri bari Ngalatya 5:17

Bukuri muswinyi wukwenyiima mari kitaatu na Mpeeve; ngo Mpeeve se wukwenyiima mari kitaatu na muswinyi; mukwongo, bo batelemese kitaatu, wamosi mu wakaka, mpisi heki luhele kubangisina kuyirika ma lutiiri.

Mukaanda kuri Bahebeleho 12:4

Beenu lwakiri kutanda mpe mu kunwaanisa masumu, natee mu kiteesu kya makila.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.

Mukaanda wa Yakobo 4:1

Kuri kukoofuminaa midziingu, na nwanusunu ha kakati dya beenu? Buri kari mu mantiilu meenu mamabi, makwenwaana munsa binamu byeenu ko?

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.