Mukaanda kuri bari Loma 7:14 - Musamu Wamubwete 2013

¹⁴ Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

Mukaanda kuri bari Loma 7:14 ပူးပေါင်းရင်းမြစ်များ

Musamu wamubwete watina Matayi 16:23

Yesu bu kasyeeteke, waleele kuri Petelo ti: «Satana, ba ku mambisa ma me. Ye wubumisa me makya, bukuri ma wutsima ye mari ma Nzaambi ko, ngo ma baatu».

Musamu wamubwete watina Matayi 18:25

Bu kaba wahele kubangisina kufuta kibiimbu, mfumu waha lutumu bayarika na nde-meene, na mukasi na baala, na byobinso bi kari na byo, mpisi bafuta kibiimbu.

Musamu wamubwete watina Matayi 5:22

Ngo me nyiluleele ti: mpisi wunde wubakila mpaangi yaandi nkesi, lo yelemini kuba watsuundusu. Wunde wuleele kuri mpaangi yaandi ti: "kiwulu!", lo yelemini kuba watsuundusu kuri kikuutu; Wunde wuleele kuri mpaangi yaandi ti: "Kilawuku!", lo mukesu, lubila lwa mbaawu.

Musamu wamubwete watina Matayi 5:28

Ngo me nyileele ti: mpisi wunde wutala wa mukyeetu mu kumunyiima, lo mwaata kimpala na nde kunsa mutima waandi.

Musamu wamubwete watina Luka 5:8

Simoni Petelo, bu kamono bubwo, watsuka maboongo ha nsi ha busu bwa Yesu, na waleele ti: «Mfumu, sasika kwaaku la na me, bukuri me nyiri muutu ngaa-masumu.»

Musamu wamubwete watina Luka 7:6

Yesu ha kayende kintwaari na bo. Yesu kabaanaa weki bebele na nzo, mukuutu nkama bayongolo waheeke banduku baandi mu kuleele kuri Yesu ti: «Mfumu, yaa wiisa kwaandi ko, bukuri me nyahele kukuka mu kuri ti ye koto mu nzo yaami.

Mukaanda kuri bari Loma 3:9

Ngo nki? Buri beetu tubvuriri bweese ti na bambaasi? Pele! Mukwongo, beetu twatswiikisiri ti: na Bayudayo, na Bahelene bobanso bari kunsa lutumu lwa masumu;

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri bari Loma 7:18

Me nyaari ti mamabwe mahele mu me, bu ntiiri kuleele ti, mu muswinyi waami. Nzala kuyirika mamabwe yiri mu me, kasi nyahele kubangisina kumayirika.

Mukaanda kuri bari Ngalatya 4:3

Beetu se bwobumosi, bu twaba twakiri mwaa-baala, twaba kunsa bunkutu bwa misamu mya nsi.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri Bahebeleho 4:12

Mukwongo, maampu ma Nzaambi mari mwooyo, mari na mpinu, mabvuriri kutwa ti na mpisi saabala dya mabusu moolo, dipaakaa natee haambiri kiluunsi na muheebulu, biyikulu na muluku. Mafyongokinaa, ma kwetsuna muutu, na bitsimi bya mutima.