Mukaanda kuri bari Loma 6:6 - Musamu Wamubwete 2013

⁶ Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri bari Loma 6:6 ပူးပေါင်းရင်းမြစ်များ

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

Mukaanda kuri bari Loma 7:14

Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

2 Kol 5:14

Bukuri ntiilu ya Kiristo yatusweeteke, na tuyaari dyo mu ngwanwa ti, muutu mosi kitsu wafwiila mu bobanso, ngo bobanso se bafwa.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.