Mukaanda kuri bari Loma 6:3 - Musamu Wamubwete 2013

³ Hoti beenu lwahele kuyaaba, ti beetu-banso twabotikiri mu Kiristo Yesu, mu lufwa lwaandi turi twataambula mbotokulu?

Mukaanda kuri bari Loma 6:3 ပူးပေါင်းရင်းမြစ်များ

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Biyiriki bya Bantumu 19:5

Bamanaa kuyuka mamo, bataambula mbotokulu mu nkuumbu Mfumu Yesu.

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Biyiriki bya Bantumu 8:16

Mukwongo, Mpeeve Yangisi yaba yakiri kubwa pe ti mu mosi mu bo, kunu kubotoko baba bamwaabotoko mu nkuumbu Mfumu Yesu.

Mukaanda kuri bari Loma 6:16

Buri beenu lwahele kuyaaba ti, lutaambukila kusalila muutu bunu bankutu, lo lweki bankutu ba wunde wu luri mu kutambukila, bankutu ba masumu mu kweende ku lufwa, bunu pe bankutu ba bintambukulu mu kweende ku nsungumunu?

Mukaanda kuri bari Loma 6:8

Mbuti twafwa kintwaari na Kiristo, lo twasa kanyi ti sa twaba mwooyo kintwaari na nde.

Mukaanda kuri bari Loma 7:1

Mukwongo, bampaangi, me kuri bari na nyaabulu ya mangisi nyiri mu kudzoonso. Buri beenu lwahele kuyaaba, ti mangisi mari na lutumu mu muutu, mu ntaangu yoyinso yikari mu bumwooyo?

1 Kol 10:2

Bobanso bataambula mbotokulu mu Moose, kunsa tuti na mu mubu.

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

1 Kol 15:29

Mbuti kari bubwo ko, lo babo bakootaambulaa mbotokulu ha kibeendu kya baatu bafwa, lo nki basa? Mbuti ngwanwa ti bafwa bahele kufuluka, lo mu nkya ntoono bari mu kutaambulaana mbotokulu ha kibeendu kya bo?

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

1 Kol 6:9

Buri beenu lwahele kuyaaba ti, bangaa-bubayi ka bataambula saala dya Kimfumu kya Nzaambi ko? Yaa luwunukina kweenu ko: biyala, minsaambiri mya biteki, bangaa-kimpala, bari na manzelu ma bukyeetu, babakala kakwesa kimpala na bambaasi bakala,

1 Kol 9:13

Buri beenu lwahele kuyaaba ti babo bakoosalaa mu Nzo-nzaambi, kudyaanaa bifumuna mu Nzo-nzaambi, na babo bakooyokaa bikabu ha yulu dziku bakooholaa kikuuku kya bo?

1 Kol 9:24

Buri beenu lwahele kuyaaba ti badzumuni ba ntiinu, bobanso bakoodzumunaa ntiinu kunsa mbasi, ngo kasi muutu mosi kitsu wubaka kimbwanga? Beenu se dzumukineenu bubwo, mpisi lubaka kimbwanga.

2 Kol 13:5

Fyongokinee mitima myeenu beenu-meene, mu kumono kari luri mu kanyi, tswiikiseenu mitima myeenu; hoti lwahele kubakula beenu-meene, ti Yesu Kiristo wuri mu beenu? Mbuti pele, lo beenu lwahele kuba batswiikama.

Mukaanda kuri bari Ngalatya 3:27

bukuri, beenu-banso lwabotoko mu Kiristo, na lwalwaata Kiristo.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,