Mukaanda kuri bari Loma 6:2 - Musamu Wamubwete 2013

² Ti bele na dyo pe! Beetuneenu bari twafwa mu masumu, buri tubweese kubeele bamwooyo mu masumu?

Mukaanda kuri bari Loma 6:2 ပူးပေါင်းရင်းမြစ်များ

Musamu wamubwete watina Luka 20:16

Nde sa kiisa, na sa kadzusa bakamuni ba bviinya babo, na sa kaha bviinya kuri bakimi.» Bamanaa kuyuka, bo baleele: «Mya bubwo miri mbeele ko.»

Mukaanda kuri bari Loma 5:11

Kari mu mini mimyo kitsu ko, ngo beetu twasa kimweese kyeetu mu Nzaambi, mu nkuumbu ya Mfumu yeetu Yesu Kiristo, mu nde turi twataambula nyukusunu lumalu.

Mukaanda kuri bari Loma 6:15

Hango nki? Masumu tukweyirikee kweetu, bukuri twahele mu lutumu lwa mangisi, ngo turi mu lutumu lwa bweese? Ti bele na dyo!

Mukaanda kuri bari Loma 7:4

Beenu se bunubwo, bampaangi baami, beenu lwayeki lwafwa mu mangisi mu nyutu ya Kiristo, mu kuba ba muutu mukimi, wunde wafulukusu mu bafwa, mpisi tubeeneenu na bimbutu mu ntoono Nzaambi.

Mukaanda kuri bari Loma 7:6

Ngo mu lumalu, twayeki twakuuluka mu mangisi, twafwa mu mi twaba twakaangama, kuri heki tuba bankutu mu kiteesu kyamono kya Mpeeve, kari mu kiteesu kya kikulu kya mukaanda ko.

Mukaanda kuri bari Ngalatya 2:19

Mukwongo, mbuti mu mitariri Mangisi, lo me nyafwa mu Mangisi, mpisi heki me mba mwooyo mu Nzaambi. Me bayeki bankomono ha kuruwa kintwaari na Kiristo.

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

Mukaanda kuri bari Kolosayi 2:20

Mbuti beenu lufwa na Kiristo mu mya nsi, dyaburi beenu luri mu kwetumuma mu mya nsi bunu ti beenu luri mwooyo mu mya nsi?

Mukaanda kuri bari Kolosayi 3:3

Bukuri beenu lwafwa, na kidziingu kyeenu kyasweeku kintwaari na Kiristo mu Nzaambi.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 2:24

Mu nyutu yaandi, nde wanata masumu meetu ha yulu muti, mpisi heki bu tufwiiri mu masumu, tuba mwooyo mu ntoono nsungumunu. Mu biwa byaandi beenu luri lwatsinukusu.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.