Mukaanda kuri bari Loma 6:19 - Musamu Wamubwete 2013

¹⁹ Mu kimuutu me nyiri mu kudzoonsolo, mu ntoono ya muswinyi wahele na makwa. Bunu bu lwasariri binamu byeenu bunu bankutu kuri nsumukunu na kuri bubi, mu ntoono mamabi, bunubwo se mu lumalu, salileenu binamu byeenu bunu bankutu kuri nsungumunu, mu ntoono bungisi.

Mukaanda kuri bari Loma 6:19 ပူးပေါင်းရင်းမြစ်များ

Musamu wamubwete watina Matayi 4:23

Tumi Yesu wayende mu Ngalili yoyinso, mu kweyikisa munsa manzo ma nkutukunu ma bo, na kweyaabisa Musamu Wamubwete wa Kimfumu, na kwetsinikisa mabeeru momanso, na bipfuumi byobinso bya baatu.

Mukaanda kuri bari Loma 15:1

Beetuneenu turi na makwa, tuyelemini kukuunda bubolo bwa babo bahele na makwa, na kuhele kweyirika mabweeye kuni kuri beetu-meene.

Mukaanda kuri bari Loma 3:5

Ngo mbuti kunsa bubayi bwa beetu nsungumunu ya Nzaambi yimonokono, lo nki tuleele? Buri Nzaambi kabaka nkesi, lo weki ngaa-bubayi? Me mu kimuutu nyiri mu kudzoonsolo.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

Mukaanda kuri bari Loma 7:23

Ngo me nyimono kiteesu kikimi mu binamu byaami, kiri mu kunwaanisa ngisi ya nyukulu yaami, na kukotoso me boroko dya ngisi ya masumu, yiri kunsa binamu bya me.

Mukaanda kuri bari Loma 8:26

Bunubwo se, Mpeeve yikwiisaana mu kutubakisa mu bubolo bweetu, bukuri twahele kuyaaba kusaambila bunu buyelemini. Kasi Mpeeve nde-meene, wutunwanikinaa mu lusaambulu mu nkuumunu, yahele na bwa kubangukila.

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

1 Kol 9:8

Buri mu kimuutu me nyiri mu kuleele mimyo, hoti mangisi se mahele mu kudzoonsolo mu misamu mimyo?

Mukaanda kuri bari Ngalatya 3:15

Bampaangi, me nyidzoonso bunu budzoonsolaana baatu: mu misiku mya muutu mu masaala, kuri muutu mukimi wutsiitsa kuyisila bunu mpe kuteeteke ntoono ti mosi ko.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.