Mukaanda kuri bari Loma 6:14 - Musamu Wamubwete 2013

¹⁴ Mukwongo, masumu ka mabweese kuba na lutumu mu beenu ko, bukuri beenu lwahele mu lutumu lwa mangisi, ngo luri mu lutumu lwa bweese.

Mukaanda kuri bari Loma 6:14 ပူးပေါင်းရင်းမြစ်များ

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 8:36

Mbuti Mwaana wulukuuriri, lo ngwanwa beenu sa lwaba mu bunsaalisi.

Mukaanda kuri bari Loma 11:6

Ngo mbuti mu bweese, lo kusii kuri ko ti mu biyiriki, bukuri bweese, lo busii bweese ko.

Mukaanda kuri bari Loma 4:16

Hango-nkuumbu, saala kubakila mu nzila ya kanyi, mpisi heki mu bweese lusiilulu luba lwatswiikama kuri bobanso bapalila mu Abalaami, kari bani bapalila mu mangisi ko, ngo bapalila se mu kanyi dyaandi. Nde wuri taayi dya beetu-banso,

Mukaanda kuri bari Loma 5:17

Ngo mbuti mu lumvuki lwa muutu mosi, lufwa lwatuma lwolukaka, lo dibvuriri mufunu diri ti, mu Yesu Kiristo kitsu, baatu bataambula kwa mansaalisi bweese na kikabu kya nsungumunu, sa batuma mu bumwooyo.

Mukaanda kuri bari Loma 5:18

Hango bukuri, mu lumvuki lwa muutu mosi, bobanso bari kunsa mukanu; bwobumosi se, mu nsungumunu ya muutu mosi, bobanso bataambula nsungumunu ya bumwooyo;

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 6:15

Hango nki? Masumu tukweyirikee kweetu, bukuri twahele mu lutumu lwa mangisi, ngo turi mu lutumu lwa bweese? Ti bele na dyo!

Mukaanda kuri bari Loma 8:12

Mu didyo bampaangi, beetu turi na kibiimbu, ngo kari kuri muswinyi ko, mu kuri ti tuba bamwooyo mu muswinyi.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Mukaanda kuri bari Ngalatya 3:23

Tekesele kanyi dikwiisa, beetu twaba munsa boroko dya mangisi, batuduka ha kimosi, mu ntoono kanyi dyaba dyayelemene kuyabakana.

Mukaanda kuri bari Ngalatya 4:21

Leelee meti me, beenu lutiiri kuba kunsa Mangisi, buri beenu lwahele kuyuka mamo maleele Mangisi?

Mukaanda kuri bari Ngalatya 5:18

Ngo mbuti beenu luri lwatwaalusu kuri Mpeeve, lo lwahele bweese kuba kunsa lutumu lwa Mangisi.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 8:10

Lulelusunu lu nyisa me na nzo ya Isaheli, luri bumabu: ha mambisa ma biluumbu bibyo, bu leele Mfumu: me sa nyabaha mangisi maami, me sa nyamatina mu mitima mya bo: me sa mba Nzaambi bo na bo sa baba baatu baami.