Mukaanda kuri bari Loma 6:12 - Musamu Wamubwete 2013

¹² Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 6:12 ပူးပေါင်းရင်းမြစ်များ

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.

Mukaanda kuri bari Loma 2:8

Sa kasoongo nkesi na kabala kuri bakaka, mu ntoono tungu na bukuri bahele kutumuma kuri ngwanwa, kasi batumuma mu mya bubayi.

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

Mukaanda kuri bari Loma 6:14

Mukwongo, masumu ka mabweese kuba na lutumu mu beenu ko, bukuri beenu lwahele mu lutumu lwa mangisi, ngo luri mu lutumu lwa bweese.

Mukaanda kuri bari Loma 6:16

Buri beenu lwahele kuyaaba ti, lutaambukila kusalila muutu bunu bankutu, lo lweki bankutu ba wunde wu luri mu kutambukila, bankutu ba masumu mu kweende ku lufwa, bunu pe bankutu ba bintambukulu mu kweende ku nsungumunu?

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

2 Kol 4:11

Mukwongo, mantaangu momanso beetuneenu bamwooyo, turi bayekulu mu lufwa mu ntoono Yesu, mpisi heki bumwooyo bwa Yesu, buba bwamonokono mu nyutu yeetu ya lufwa.

2 Kol 5:4

Mukwongo, bu turi munsa musaampu wumawu, tukwekuuma kunsa kilemu, bukuri twahele kutya kusyonono kinkuta, ngo tutiiri kulwaata kikimi ha yulu, mpisi heki bikoofwa biba byadyaama kunsa bumwooyo.

Mukaanda kuri bari Ngalatya 5:16

Ngo kasi me nyiluleele ti: dyaatileenu mu Mpeeve, na luba ti bele na dyo pe, mu kuyukutisa nyiimunu dza muswinyi.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

1 Tes 4:5

kwahele kuba mu lutumu lwa mantiilu mamabi, bunu bangooyi bari bahele kuyaaba Nzaambi.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

Mukaanda Yuda 1:16

Bo ngo bakwemunguta, bahele kumono kiminu mu kiteesu kyaaku, bakwedyaatila bunu buri nyiimunu dzaaku, na minwa mikwedzoonsolo mu masiiku, na bakwesiikila baatu mu ndaandu.

Mukaanda Yuda 1:18

Bo baba leelaa kuri beenu ti: «Kumanunu ntaangu, sa kwaba bangaa-munsiku bakwedyaatila bunu buri nyiimunu dzaaku, dza bangooyi.»