Mukaanda kuri bari Loma 5:8 - Musamu Wamubwete 2013

⁸ Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

Mukaanda kuri bari Loma 5:8 ပူးပေါင်းရင်းမြစ်များ

Musamu wamubwete watina Yowane 15:13

Ntiilu yibvuriri bunene yiri na muutu ngo, ya kuha kidziingu kyaandi mu banduku.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Mukaanda kuri bari Loma 3:5

Ngo mbuti kunsa bubayi bwa beetu nsungumunu ya Nzaambi yimonokono, lo nki tuleele? Buri Nzaambi kabaka nkesi, lo weki ngaa-bubayi? Me mu kimuutu nyiri mu kudzoonsolo.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 5:20

Mangisi mayisa mpisi heki lumvuki lufunina; ngo haho hafunina masumu, hanaho se ha buukulaa bweese,

Mukaanda kuri bari Loma 5:6

Mukwongo, mu ntaangu yi twaba twakiri makwa pe, Kiristo wafwiilila mu bangaa-masumu mu ntaangu yayelemene.

Mukaanda kuri bari Loma 5:7

Mukwongo, diri dya mpasi ti muutu kataambula kufwa mu ntoono wasuunguma; kampe mu wamubwete se, lo muutu tamburi kufwa.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Mukaanda kuri bari Loma 8:39

kudzaangama, musundu, ti hayuku kiyiriki kikimi ka kitsiitsa kuhaambula beetu ko, na ntiilu ya Nzaambi, yiri mu Kiristo Yesu, Mfumu yeetu.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Efeso 2:7

mu kusoongo mu mantaangu makwiisa, busina bwabuukula bwa bweese bwaandi, mu mbweeyulu-mutima waandi kuri beetu mu Kiristo Yesu.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

1 Tim 1:16

Hango-nkuumbu, me bambakila ngebe, mpisi heki mu me watete, Kiristo Yesu kasoongo kifwaani kya nkindusulu-mutima yoyinso, kuri basiila kanyi mu nde, mu kutaambula kidziingu kyahele manunu.

Mukaanda kuri Bahebeleho 8:3

Mukwongo, mpisi mukuutu bangaanga-nzaambi, bamubyaalisaa mu kuhaanaa bikabu na kudzusaa bibulu byaha mu kikabu; haho hari mufunu kuri nde se mu kuba na kitotolo, ki kaha.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Yow 3:16

Mu didyo, beetu twayeki twayaaba ntiilu, bukuri Kiristo waheeri kidziingu kyaandi mu ntoono beetu, na beetu se tuyelemini kuha kidziingu kyeetu mu ntoono bampaangi.