Mukaanda kuri bari Loma 5:3 - Musamu Wamubwete 2013

³ Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

Mukaanda kuri bari Loma 5:3 ပူးပေါင်းရင်းမြစ်များ

Musamu wamubwete watina Luka 21:19

Bu lunamitini, lo sa lwabvuukisa miheebulu myeenu.»

Biyiriki bya Bantumu 5:41

Hango bantumu bayende kwaaku mu kiminu ha busu bwa kikuutu, bukuri bamonikini ti bo bayelemene kubama mu ntoono nkuumbu.

Mukaanda kuri bari Loma 5:11

Kari mu mini mimyo kitsu ko, ngo beetu twasa kimweese kyeetu mu Nzaambi, mu nkuumbu ya Mfumu yeetu Yesu Kiristo, mu nde turi twataambula nyukusunu lumalu.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

Mukaanda kuri bari Loma 9:10

Kari manamo kitsu ko, ngo Lebeka se, wabakiri yimi mu wunu Isaki, taayi dyeetu.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

2 Kol 8:19

Kari minimyo ko, ngo mabuundu mamo mamusooriri se mu kweyende na beetu, mu kisalu kya lubakusu ki turi mu kwesala, mu kusaka nkeembu ya Mfumu nde-meene, na mu kusoongo kifiki kyeetu.

Mukaanda kuri bari Efeso 3:13

Hango, me nyiloombo ti yaa luholo-bito ko, mu ntoono mpasi dzaami, dzi nyiri mu kwemono me mu beenu; mpasi dzidzo ngo nkeembu yeenu.

Mukaanda kuri bari Filipo 1:29

Bukuri beenu baluha bweese mu ntoono Kiristo, kari munu mu kusiila kanyi mu nde ko, ngo na mu kumono mpasi se mu ntoono nde,

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

1 Pet 3:14

Ngo ti hayuku, beenu lukotiri mu mpasi mu ntoono nsungumunu, lo beenu luri mu lwambwe. Yaa luba na boomo bwa bo ko, na mutima yaa kasa mambaawu ko.