Mukaanda kuri bari Loma 5:12 - Musamu Wamubwete 2013

¹² Hango nkuumbu, bunu bwakotolo masumu mu nsi mu muutu mosi, na lufwa se mu ntoono masumu, bunubwo se lufwa lwakotolo mu baatu bobanso, bukuri bobanso babwa mu masumu.

Mukaanda kuri bari Loma 5:12 ပူးပေါင်းရင်းမြစ်များ

Mukaanda kuri bari Loma 3:23

bukuri bobanso bayirika masumu na bahelele nkeembu Nzaambi,

Mukaanda kuri bari Loma 5:18

Hango bukuri, mu lumvuki lwa muutu mosi, bobanso bari kunsa mukanu; bwobumosi se, mu nsungumunu ya muutu mosi, bobanso bataambula nsungumunu ya bumwooyo;

Mukaanda kuri bari Loma 5:19

bunubwo se buri, mu nko dza muutu mosi, balaka babwa mu masumu, bwobumosi se mu bintambukulu bya muutu mosi, balaka sa baba balulukusu.

Mukaanda kuri bari Loma 5:21

mpisi heki, bunu bwaba masumu kuri mari na lutumu mu lufwa, bunubwo se bweese buri na lutumu mu nsungumunu, mu kuha kidziingu kyahele manunu, mu Yesu Kiristo, Mfumu yeetu.

Mukaanda kuri bari Loma 6:21

Ngo nkya bimbutu luri na byo? Mu lumalu beenu lweki na nsoni mu byo, bukuri manunu ya byo lufwa.

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

1 Kol 15:56

Kiba kya lufwa ngo masumu, na mpinu dza masumu ngo mangisi.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda wa Yakobo 1:15

tumi nyiimunu dziyelaana, dzibutiri masumu, na masumu mayelaana, mabutiri lufwa.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.