Mukaanda kuri bari Loma 5:10 - Musamu Wamubwete 2013

¹⁰ Mukwongo, mbuti ha twaba bataatu, Nzaambi wasuusa nyukusunu ha kakati dya nde na beetu, mu lufwa lwa Mwaana waandi, lo dyaburi tuhele kubvula kuba babvuukusu mu bumwooyo bwaandi, ha tumwaayukusuna na nde?

Mukaanda kuri bari Loma 5:10 ပူးပေါင်းရင်းမြစ်များ

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 5:26

Bukuri, bunu buri Taayi wuri na kidziingu mu nde-meene, bunubwo se nde kari kaha kuri Mwaana mu kuba na kidziingu mu nde-meene.

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Mukaanda kuri bari Loma 11:28

Mu mitariri Musamu Wamubwete, bo bataatu mu ntoono beenu; ngo mu mitariri nsoolulu, bo banduku ba mutima mu ntoono bataayi,

Mukaanda kuri bari Loma 5:11

Kari mu mini mimyo kitsu ko, ngo beetu twasa kimweese kyeetu mu Nzaambi, mu nkuumbu ya Mfumu yeetu Yesu Kiristo, mu nde turi twataambula nyukusunu lumalu.

Mukaanda kuri bari Loma 5:6

Mukwongo, mu ntaangu yi twaba twakiri makwa pe, Kiristo wafwiilila mu bangaa-masumu mu ntaangu yayelemene.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Mukaanda kuri bari Loma 8:7

Hango-nkuumbu, ndyaatulu ya muswinyi yiri kitaatu na Nzaambi, yahele kutumuma mu mangisi ma Nzaambi, na ka yitsiitsa kubangisina ko.

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda kuri bari Efeso 2:16

na mu kusa nyukusunu ha kakati dya bamosi na bakaka, mu nyutu yomosi kintwaari na Nzaambi mu kuruwa, mu dyo, nde kari kamana lubelu.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri Bahebeleho 2:17

Mu didyo, nde kaba kafwanikina na bampaangi baandi mu myominso, mpisi kaba mukuutu bangaanga-nzaambi, ngaa-ngebe na wakwiikama mu kisalu kya Nzaambi, mu kufuta masumu ma baatu.

Mukaanda kuri Bahebeleho 7:25

Hango-nkuumbu, nde wakuka mu kubvuukisa kwa kinkulu, babo bakookokosolaa mu nde kuri Nzaambi, bukuri nde wuri mwooyo mu mantaangu momanso, mu kusaambila mu bo.

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

Nyabusulu ya Yowane 1:18

wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.