Mukaanda kuri bari Loma 4:13 - Musamu Wamubwete 2013

¹³ Mukwongo, kari mu nzila ya mangisi ko, ngo mu nzila ya ndulukulu mu kanyi, bari basa lusiilulu kuri Abalaami, bunu pe kuri bapalila mu nde, mu kuba mukondiri saala dya nsi.

Mukaanda kuri bari Loma 4:13 ပူးပေါင်းရင်းမြစ်များ

Biyiriki bya Bantumu 13:32

Na beetu turi mu kuluyaabisa Musamu Wamubwete, na lusiilulu lu kasa kuri bataayi beetu,

Mukaanda kuri bari Loma 4:12

Na nde kaba taayi dya bateende bubakala, kari dya bani bateende bubakala ko, ngo se bakwenama bitaambi bya kanyi dya taayi dyeetu, Abalaami bu kaba wakiri bubakala kuteende pe.

Mukaanda kuri bari Loma 9:8

Mbangukulu ti: kari baala ba muswinyi ko, bari baala ba Nzaambi, kasi baala bansiilulu bari mu lutaangu lwa bapalila mu nde.

Mukaanda kuri bari Ngalatya 3:29

Mbuti beenu luri ba Kiristo, lo lwapalila mu Abalaami, bakondiri ba saala bunu buri lusiilulu.

Mukaanda kuri Bahebeleho 11:7

Mu kanyi, Nowa wataambula ndubululu kuri Nzaambi, mu ntoono bitotolo byaba byakiri kumonokono pe, mu mutima wa kinzaambi nde watuunga nzo ya kiluungu, mu kubvuukisa nzo yaandi; mu kanyi nde kari kabwiisa nsi, na mu kanyi nde kayeki mukondiri saala dya nsungumunu.

Mukaanda kuri Bahebeleho 7:6

Melekisedeke, wuri waba wahele mu muloongo kinkaaka kya bo, wataambula kikuuku kyakuumi kuri Abalaami, na wasakumuna wunde wataamburi nsiilulu.