Mukaanda kuri bari Loma 3:2 - Musamu Wamubwete 2013

² Yiri yayinene mu monso. Bukuri kuri Bayudayo batekisiri kuha maampu ma Nzaambi.

Mukaanda kuri bari Loma 3:2 ပူးပေါင်းရင်းမြစ်များ

Musamu wamubwete watina Yowane 5:39

Beenu lukwefyongokono Matina, bukuri beenu lutsima kubaka kidziingu kyahele manunu mu mo; mo ngo mari mu kuta kimbaangi mu ntoono me;

Biyiriki bya Bantumu 7:38

Mu ntaangu yaba yakutukuna baatu ku nsi yankatu, nde waba wateleme mu kuyuka myaba leelaana mbasi ku yulu mulaandu, na kutubula kuri bataayi beetu. Nde wataamburi maampu ma mwooyo, mu kuha kuri beenu.

Mukaanda kuri bari Loma 1:2

Nzaambi watekisiri kusa nsiilulu kuri babikiri baandi mu Matinu Mangisi,

Mukaanda kuri bari Loma 2:18

Ye yaari kutya kwaandi, wusaanaa nsobokoso mu mari mufunu, wayikusu mu mangisi.

Mukaanda kuri bari Loma 3:1

Hango mufunu wa kuba Muyudayo wuri hari, bunu pe ndaandu ya nteendulu bubakala yiri hari?

Mukaanda kuri bari Loma 3:3

Heki mu nki? Mbuti babamosi basii ba bakwiikama ko, buri kuhele kukwiikama kwa bo, lo kuyaariri nkwikumunu ya Nzaambi?

Mukaanda kuri bari Loma 9:4

bapalila mu Isaheli. Kuri bo, bari baha kiteesu kya kuba baala ba Nzaambi, nkeembu, ndelusunu, kikabu kya mangisi, kisalu kya lusaambulu, nsiilulu.

1 Kol 9:17

Mukwongo, mbuti me nyikwesala mu kutya kwa me-meene, lo me mbakiri mufutu; ngo mbuti kari mu kutya me-meene ko, lo kini kisalu kibari bampa nyikwesala.

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Mukaanda kuri bari Ngalatya 2:7

Ngo kasi, bo bamwiini kuri ti me bampeeri Musamu Wamubwete mu kunata kuri bahele kuteende bubakala, bunu bu baheeri se, Musamu Wamubwete kuri Petelo, mu kunata kuri bateende bubakala.

1 Tim 6:20

Ye Timoteho, kebe maampu ma bari bakuha, yende webata nzoonsulu dza bungooyi dza mukangala, na nkalikisi dza madyeele mampya,

Mukaanda kuri Bahebeleho 5:12

Beenu nkani lwayeki bayikisi na kidzika, kasi beenu, kubweese kusaka ti nkani muutu kaluyikisa misamu, nkati mya mbandukulu mya maampu ma Nzaambi, na lweki mu kiteesu kya kutya beene, nkani ka byandya byakuba ko.

1 Pet 4:11

Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»