Mukaanda kuri bari Loma 2:6 - Musamu Wamubwete 2013

⁶ nde mbasi-tsuku wubvutula kuri mpisi muutu bunu buri biyiriki byaandi.

Mukaanda kuri bari Loma 2:6 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Mukaanda kuri bari Loma 14:22

Kebe kanyi di wuri na dyo mu ye-meene, ha busu bwa Nzaambi. Kiminu kuri wunde wahele kubaka kibila mu ma katambukiri nde-meene.

1 Kol 3:8

Mukuni na munyaki-maampa boboolo muutu mosi, mpisi muutu sa kataambula mufutu waandi, bunu buri kisalu kyaandi.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 11:15

Ngo diri dyansisi ko, mbuti bisari bya nde se bikweswemekene mu kifwaani kya bisari bya nsungumunu. Nsukulu bo sa yaba bunu buri biyiriki byaaku.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

2 Tim 4:14

Alekandere, mutsuri-biseengu, wamonisini me mpasi dzalaka. Mfumu sa kamubvutukila mamo mayelemene na biyiriki byaandi.

Nyabusulu ya Yowane 2:23

lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.

Nyabusulu ya Yowane 22:12

«Mono, me nyiri mu kwiisa mu mawasu na museendu waami, mu kubvutula kuri muutu-muutu bunu buri biyiriki byaandi.