Mukaanda kuri bari Loma 2:16 - Musamu Wamubwete 2013

¹⁶ Bubwo buba, mu kiluumbu ki tsuundisa Nzaambi mu Kiristo Yesu, mansweeki ma baatu, bunu buri Musamu waami Wamubwete.

Mukaanda kuri bari Loma 2:16 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Luka 8:17

Bukuri, kuri kyasweeku ko, kihele kuba kyamonokono; na kuri nsweeki ko, yihele kuba yayabakina na pwelelee.

Musamu wamubwete watina Yowane 12:48

Wunde wubisa me, na wuhele kutaambula maampu ma me, lo wuri na wumutsuundisa.» Maampu ma ndeeriri me, mamo mamutsuundisa mu kiluumbu kya mpotulu.

Biyiriki bya Bantumu 10:42

Nde watutuma mu kuyaabisa kuri kaanda na kutswiikisa ti Nzaambi nde kari kasa mutsuundisi bafwa na bamwooyo.

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

Mukaanda kuri bari Loma 2:5

Ngo mu bunkuri bwaaku na nkubusulu mutima waaku, ye wukwekutukisa nkesi dzibwa mu ye, mu kiluumbu kya nkesi, na kya nyabusulu nsundusulu yasuunguma ya Nzaambi,

Mukaanda kuri bari Loma 3:6

Ti bele na dyo pe! Lo dyaburi Nzaambi mbasi-tsuku katsuundisila nsi?

1 Kol 15:1

Bampaangi, me nyilubaambula mwooyo mu Musamu Wamubwete wu nyiri nyaluyaabisa, wu luri lwataambula, wu luri lwasikikila.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

Mukaanda kuri bari Ngalatya 1:11

Kuri beenu bampaangi nyiyaabisa ti: Musamu Wamubwete wu nyiri nyayaabisa kari bu tiiriri baatu ko.

1 Tim 1:11

dzayelemene na Musamu Wamubwete wu bari bayakisa me, wa nkeembu ya Nzaambi ya kiminu.

2 Tim 2:8

Baambuka mwooyo mu Yesu Kiristo, wabutukila mu kaanda dimadi dya Davidi, nde wafuluka mu bafwa, bunu buri Musamu waami Wamubwete,

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Bahebeleho 9:27

Ngo bukuri dyadzeengu kuri ti, baatu bafwa mbala mosi kitsu, ha mambisa haho, mutsuundu wiisiri,

1 Pet 4:5

Bo sa batambikisa biyiriki byaaku, kuri wunde wayirima mu kutsuundisa bamwooyo na bafwa.

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,