Mukaanda kuri bari Loma 16:26 - Musamu Wamubwete 2013

²⁶ Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

Mukaanda kuri bari Loma 16:26 ပူးပေါင်းရင်းမြစ်များ

Musamu wamubwete watina Malako 16:15

Nde wabaleele ti: «Yendee mu nsi yansiina, lweyaabisa Musamu Wamubwete kuri biyiriki byobinso.

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

Biyiriki bya Bantumu 6:7

Maampu ma Nzaambi maba kwetsamikinana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu bisari bya mu Nzo-nzaambi yatumuma mu kanyi.

Mukaanda kuri bari Loma 1:2

Nzaambi watekisiri kusa nsiilulu kuri babikiri baandi mu Matinu Mangisi,

Mukaanda kuri bari Loma 1:20

Mukwongo, bitotolo bya nde byahele kumonokono, mpinu dzahele manunu na bunzaambi, kuholosono nyirikulu nsi, biri byamonokono mbuti babimwiinini mu biyiriki byaandi. Ngo bo ka babaka mpemisi ko,

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 15:18

Mukwongo, mbuti me nyitsiitsa kudzoonso, lo mu mya yirikiri Kiristo mu me, mu kuri ti makaanda matumuma, mu maampu na mu biyiriki,

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Mukaanda kuri bari Loma 3:21

Mu lumalu, Nzaambi mwaasoongo buri nde kaluulukisa kwahele mangisi, didyo dyatswiikusu mu mangisi na babikiri:

Mukaanda kuri bari Ngalatya 3:8

Matinu bu matekisiri kuyaaba, ti Nzaambi wululukisaana bahele kuba Bayudayo mu kanyi, matekisiri se kuyaabisa Musamu Wamubwete wumawu kuri Abalaami ti: «mu ye makaanda momanso sa maba masakumunu.»

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Kolosayi 1:26

mpaanu dza Nzaambi dzaba dzasweeku, kuholosono mu mibvu na mu biseendu, dzeki dzayabakana mu lumalu kuri bangisi baandi.

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

2 Tim 1:10

Bweese bubwo bwayabakana mu lumalu, mu monokunu Mubvuukisi weetu Kiristo Yesu, wunde wasukisa lufwa, na wasa kuri ti mu Musamu Wamubwete bumwooyo buseme na mbolulu yihele kubweese kuba.

Mukaanda kuri Bahebeleho 13:8

Yesu Kiristo wuri bwobumosi dzoono, lumalu na na mu mantaangu momanso.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Nyabusulu ya Yowane 1:17

Me bu nyamumono, nyabwa ha miilu myaandi, bunu muutu wafwa, na nde wateeteke kooko kwaandi kwa lubakala ha yulu me, waleele: «Yaa ba na boomo ko, me nyiri watete na wampotulu,

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.